अवैध लागूऔषधसहित ३ पक्राउ
पहुरा समाचाचारदा
धनगढी, ८ अगहन । धनगढी उपमहानगरपालिका–२ त्रिनगरसे ७ ग्राम ९ सय मिलिग्राम अवैध लागूऔषध ब्राउनसुगर सहित २ जाने सोम्मार साँझ प्रहरी पक्राउ करले बा ।
पक्राउ परलमे धनगढी उपमहानगरपालिका–२, बैयाबेहडी बैठना २६ वर्षीय सन्देश बोगटी ओ उपमहानगरपालिका–१ बैठना ३० वर्षीय विजय मगराती रहल बटै । लु ४५ प २६५३ नम्बरके मोटरसाइकलहे प्रहरी चौकी त्रिनगरसे खटल प्रहरी जाँच कैना क्रममे मोटरसाइकलमे सवार ओइनहे उ ब्राउनसुगर सहित फेला पारके पक्राउ करल हो । यी सम्बन्धमे प्रहरीसे ठप अनुसन्धान करटी रहल बा ।
ओस्टेक, कञ्चनपुरमे लागुऔषधसहित एक युवकहे प्रहरी पक्राउ करले बा । सोम्मारके जिल्लाके भीमदत्त नगरपालिका–१८ भगतपुर शुभकामना टोलसे २८ वर्षीय हेमन्त सिंह नायकहे पक्राउ करल हो ।
लागुऔषधके कारोबार हुइटी रहल सूचनाके आधारमे प्रहरी नायकहे चेकजाँच करेबर ओहकान ठनसे ८ सय ५० मिलीग्राम खैरो हिरोइन फेला परल जिल्ला प्रहरी कार्यालय कञ्चनपुर जनैले बा ।
पक्राउ परल नायकहे नियन्त्रणमे लेके थप अनुसन्धान हुइटी रहल जिल्ला प्रहरी कार्यालय कञ्चनपुरके प्रहरी निरीक्षक लालबहादुर बम बटैलै ।
