कैलाली–५ के क्षेत्रीय सभापतिमे पडाल विजयी

पहुरा समाचारदाता
धनगढी, ९ अगहन । कैलाली निर्वाचन क्षेत्र नम्बर ५ मे नेपाली काँग्रेसके क्षेत्रीय सभापतिमे भीम पडाल विजयी हुइल बटै ।

वर्तमान सचिव पडाल क्षेत्रीय सभापतिमे विजयी हुइल हुइट । उहाँ २९० मत पैले सभापतिके ५ उम्मेदवारमन्से पडाल सुरुवातसे अग्रता लेले रहिट । ओस्टेक सन्तोष मुडभरी ११३, हरिप्रसाद रेग्मी ४७, ईश्वरीप्रसाद जोशी २३ ओ हिरासिंह पातली २१ मत पैलै ।

ओस्टेक, और पदमेफे पडालके टीम विजयी हुइल बा । संघीय क्षेत्र निर्वाचनमे कैलाली ५ से सचिवमे महेश गोले ओ विजयराज जोशी निर्वाचित हुइल बटै ।