३३८ जाने घर दैलोमे पैलैं खोप सेवा
पहुरा समाचारदाता
कञ्चनपुर, ९ अगहन । कञ्चनपुर जिल्लाके पुनर्वास नगरपालिका ओ कृष्णपुर नगरपालिकाके ३ सय ३८ जाने घर दैलोमे खोप सेवा पैले बटै ।
कर्डएड, लुथरन विश्व फेडरेसन नेपाल, राष्ट्रिय मुक्त हलिया समाज महासंघ ओ सर्वाङिण अपांगता विकास समाज नेपालके सयुक्त साझेदारीमे, कंचनपुर जिल्लाके पुनर्वास नगरपालिका ओ कृष्णपुर नगरपालिका स्वास्थ्य शाखाके समन्वयमे पुर्ण अशक्त ओ अतिअशक्त अपांगता रहल नागरिकहुकनके घर दैलोमे जाके कोरोना विरुद्धके खोप ओ सहायक सामग्री नापजाँच कार्यक्रम करके असहाय नागरिकहे सेवा डेहल उ कार्यक्रमके प्राविधिक सहजकर्ता नन्दराज भट्ट जानकारी डेलै ।
३ दिन ९ वडामे निरन्तर अभियान संचालन हुके पुर्ण ओ अतिअशक्त अपांगता हुइल नागरिक लाभान्वित हुइल बटै । उ खोप अभियानके अगहन ८ गतेक दिन स्वास्थ्य शाखा खोप विभाग प्रमुख ओ सर्वाङिण अपांगता विकास समाज नेपालके कार्यकारी निर्देशक नन्दराज भट्ट ओ फिल्ड सहज कर्ता ईन्द्र बहादुर पालीसे सुरुवात करल रहिट ।
कार्यक्रममे नगरपालिका सामाजिक विकास अधिकृत, शाखा प्रमुख ओ प्रमुख प्रशासकीय अधिकृत यी सस्थासे जनताके घर दैलोमे खोप देना काम नेपालके लाग नमूना रहल बटैलै । खोप केन्द्रमे लक्षित वर्गके लाग खोप लगाई नइसेकल अवस्थामे यी अभियानसे पुर्ण ओ अतिअशक्त अपांगता हुइल नागरिक लाभान्वित हुइल बटैलै ।
