थप ८ जनहनमे कोरोना पुष्टि

पहुरा समाचारदाता
धनगढी, १३ अगहन । धनगढीस्थित सेती प्रादेशिक अस्पतालके प्रयोगशालामे करल परिक्षणमे थप ८ जनहनमे कोरोना पुष्टि हुइल बा ।

पाछेक २४ घण्टामे ७७ नमुना परिक्षण करेबर थप ८ जनहनमे संक्रमण पुष्टि हुइल अस्पतालके सुचना अधिकारी दिलीप कुमार श्रेष्ठ जानकारी डेलै । ओहकान अनुसार २४ घण्टामे ३ जाने लावा संक्रमित अस्पताल भर्ना हुइल बाटै । हाल अस्पतालमे ५ जाने संक्रमित विरामीके उपचार हुइटी रहल बा ।