सामाजिक सुरक्षा ओ सार्वजनिक खरिद नीतिबारे छलफल

पहुरा समाचारदाता
धनगढी, १७ अगहन । नेपालमे लैङिक उत्तरदायी सामाजिक सुरक्षा ओ सार्वजनिक खरिद नीतिबारे छलफल कार्यक्रम हुइल बा ।

यूएन वुमनके आर्थिक सहयोगमे वुमन एक्टके आयोजनामे हुइल कार्यक्रममे गौरीगंगा नगरपालिका, गोदावरी नगरपालिकाके नगर उप प्रमुखद्वाय अञ्चला चौधरी ओ रत्ना कडायत वडका पहुना रहिट ।

कार्यक्रमके बारे जानकारी वुमन एक्टके अध्यक्ष सृजना अधिकारी अपनेहुकनके संस्था कैलालीके धनगढी उपमहानगरपालिका, गौरीगंगा नगरपालिका, गोदावरी नगरपालिका काभे्र जिल्लामे महिला तथा बालबालिकाके क्षेत्रमे काम करटी रहल जनैली ।

कार्यक्रममे वुमन एक्टके टेक्निकल एडभाइजर प्रकाश खडका सहजीकरण करले रहिट कलेसे कुमार खडका सामाजिक सुरक्षा ओ सार्वजनिक खरिद नीतिबारे कार्यपत्र प्रस्तुत करले रहिट ।