नेपालमे फेन फेला परल ‘ओमिक्रोन’
काठमाडौं, २० अगहन । नेपालमे पहिलचो कोरोनाके नयाँ भेरियन्ट ‘ओमिक्रोन’ फेला परल पृष्टि हुइल बा । स्वास्थ्य तथा जनसंख्या मन्त्रालय दक्षिण अफ्रिकासे आइल दुई जहनमे जिन स्विकोन्स करलमे ओमिक्रोन भेरिएन्ट डेखाइल स्वास्थ्य मन्त्रालयके सहप्रवक्रा डा. समीरकुमार अधिकारी जानकारी डेलैं । सोम्मार मन्त्रालयसे पत्रकार सम्मेलन कैके उ ओमिक्रोन पुष्टि हुइल जनाकारी डेहल हो ।
६६ वर्षीय विदेशी नागरिक ओ उहाँक सम्पर्कमे आइल ७१ वर्षीय व्यक्तिहे ओमिक्रोन भेरियन्ट डेखाइल मन्त्रालय जनैले बा । उहाँहुक्रे दुनु कोरोनाभाइरसविरुद्धके खोपके पूर्ण मात्रा लगाइल ओ पीसीआर रिपोर्ट नेगेटिभसहित नेपाल प्रवेश करल फेन मन्त्रालय जनैले बा ।
दुनु जाने कौनो अस्पतालके आइसोलेसन कक्षमे रहल ओ गम्भीर लक्षण नैडेखाइल फेन मन्त्रालयके कहाइ बा ।
उहाँहुकनसँग सम्पर्कमे आइल सबके कन्ट्याक्ट ट्रेसिङ करल फेन मन्त्रालय जानकारी डेले बा ।
