थप २६५ हे कोभिड संक्रमण
काठमाडौं, २० अगहन । पाछेक २४ घण्टामे मुलुकमे २६५ जनहनमे कोरोना संक्रमण हुइल बा । स्वास्थ्य तथा जनसंख्या मन्त्रालयके अनुसार ७११४ पीसीआर ओ १५०३ एन्टीजेन नमुना परीक्षण करेबर उ संक्रमित पुष्टि हुइल हो ।
उहे अवधीमे थप दुईजाने कोभिड संक्रमणसे मृत्यु हुइल बा । ३५७ जाने चोखाइल बाटै । सक्रिय संक्रमित संख्या ६३८६ जाने रहल बाटै । १ लाख ६६ हजार जाने कोरोनाविरुद्धके खोप लगैले बाटै ।
काठमाडौं ओ ललितपुरमे सक्रिय संक्रमित संख्या ५०० से उच्च रहल बा । सुनसरी, भक्तपुर, कास्की, नवलपरासी पूर्व, बाँके ओ कैलालीमे सक्रिय संक्रमित संख्या २०० से ढिउर रहल बा । मनाङ, मुस्ताङ, डोल्पा, हुम्ला, मुगु ओ सल्यानमे संक्रमण शून्य रहल बा ।
काठमाडौं जिल्लामे सोम्मारके ७९ जाने, भक्तपुरमे १० जाने ओ ललितपुरमे २३ जाने संक्रमित थपल बाटै ।
कूल संक्रमित संख्या ८ लाख २२ हजार ८३० पीसीआर परीक्षण करेबर पुष्टि हुइल बावै कलेसे ९५ हजार ६१९ एन्टीजेन परीक्षणमे पुष्टि हुइल बावै । चोखुइयाके संख्या ८ लाख ४ हजार रहल बा । कूल मृत्यु हुउइयाके संख्या ११ हजार ५४३ रहल बा ।
