धनगढीमे बजाज महा एक्सचेन्ज मेला हुइना
पहुरा समाचारदाता
धनगढी, ३ पुस । धनगढीमे बजाज महा एक्सचेन्ज मेला हुइना हुइल बा । दिनेश अटोमोटिभ्स् धनगढीके आयोजनामे इहे पुस ४ गतेसे पुस १० गतेसम मेला हुइना जनाइल बा ।
धनगढी चौराहा स्थित दिनेश कन्सर्न माछापुछ्रे बैंक लग्गे हुइना मेलामे बजाज कम्पनीके टमान मोटरसाइकलके बारेम जानकारी करैना जनाइल बा । ओस्टके मेलामे मोटर साइकल खरिद करुइया ग्राहकहुक्रन टमान मेरिक अफर लानल जनाइल बा ।
मेलाके अवसरमे मोटर साइकल खरिद करुइया ग्राहकहक्रनहे शून्य प्रतिशत ब्याजदरमे ५० प्रतिशत डाउन पेमेन्टमे मोटर साइकल खरिद करे सेक्ना दिनेश अटोमोटिभ्सके प्रवन्धक तेजबहादुर बम जानकारी डेलै । ओस्टके नगद खरिद करुइया ग्राहकहुक्रनके लाग ८ हजार नगद छुटके साथे हेलमेट, लेगगार्ड, बाइक कभर ओ बजाज व्याग उपलब्धक करैना प्रबन्धक बम जानकारी डेलै ।
यकर साथे मेलामे सांस्कृतिक र्काक्रम, फूड स्टल लगायत मोटर साइकल रिकन्डिसनके स्टल फेन रहना जनाइल बा ।
