सामाजिक लेखा परिक्षण तथा परियोजनाके गतिविधिके अनुगमन
पहुरा समाचारदाता
अत्तरिया, ३ पुस । मुक्त कमैया महिला विकास मञ्चसे सिमान्तकृत समुदायके लाग सामाजिक ओ आर्थिक शसक्तीकरण परियोजनाके सामाजिक लेखा परिक्षण तथा अनुगमन कैगिल बा ।
शुकके रोज गोदावरी नगरपालिका–८ हरिनगरमे सरोकारवाला निकायके सहभागितामे सामाजिक लेखा परिक्षण तथा परियोजनासे संचालन करल गतिविधिके अनुगमन कैगिल हो ।
मुक्त कमैया महिला विकास मञ्च फिन चर्च एड नेपालके सहयोगमे कैलालीके तीन ओ कञ्चनपुरके एक स्थानीय तहमे स्थानीय महिला नेतृत्व करल सहकारीके क्षमता अभिवृद्धि हुके सहकारीसे विनाधितो ऋण सुविधा पैनाके साथे बचतमे बृद्धि हुइना ओ सिमान्तकृत समुदायके महिलाके प्राविधि ओ व्यावसायिक शिक्षासे आम्दानीके स्रोतमे पहुँच पुग्न मेरिक कार्यक्रम करटी आइल बा ।
गोदावरी नगरपालिकाके कृषि शाखा प्रमुख नन्दी मल्ल सामाजिक लेखा परिक्षण कार्यक्रममे परियोजना समापनपाछे हुइना उपलब्धी जानकारी डेटी स्थानीय महिला नेतृत्व करल सहकारीके क्षमता अभिवृद्धि कार्यक्रमसे २५ प्रतिशत समुह सदस्यके गरिबीके रेखासे हटना, समुहके सदस्यहुकनके आम्दानीमे २० प्रतिशत बृद्धि हुइना, ९० प्रतिशत सहकारीके सदस्यहुक्रे २ डलर मासिक बचत कैना सफल हुइना, ३० प्रतिशत सहकारीके सदस्य विना धितो ऋण लेके छोट व्यवसाय संचालन करे सेक्ना, चार मेरिक बचत कार्यक्रम संचालनके लाग क्षमता विकास हुइना जनैली ।
सिमान्तकृत समुदायके महिलाके प्राविधि ओ व्यावसायिक शिक्षासे लक्षित घरधुरीके ४० प्रतिशत सदस्यके व्यवसाय संचालन सीप अभिवृद्धि हुइना, १०० जाने लक्षित घरधुरीक सदस्यसे नयाँ व्यवसाय स्थापना कैना ओ २ ठो वकालत योजनासे लक्षित सदस्यके सवालहे सम्बोधन कैना हुइना उहाँ जनैली ।
मञ्चके कार्यक्रम संयोजक इन्द्र चौधरी गोदावरी ओ शुक्लाफाँटा नगरपालिकामे ३ महिने डकर्मी तालिम, ६ महिने मोटरसाइकल मर्मत तालिम संचालन, ५ महिने कटाई सिलाई तालिम, लोकल मुरगी पालन मिनि ह्याचरी सहयोग, घर बगैचा प्रवद्र्ध सहयोग कार्यक्रम, व्यावसायिक तरकारी खेतीके लाग सिचाई सहयोग कार्यक्रम करल बटैलै ।
गौरीगंगा नपा, कैलारी, गोदावरी ओ शुक्लाफाँटा नगरपालिकामे मुक्त कमैया ओ सिमान्तकृत बालिकाहुकनहे छात्रवृति सहयोग, टट तालिम, ६ महिने रिफलेक्त कक्षा संचालन, लैङिक हिंसा ओ समानताके लाग चेतना मुलक कार्यक्रम संचालन, मुक्तकमैया ओ सिमान्तकृत समुदायके हक अधिकार लाग प्रदेश सरकार विच अन्तरक्रिय कार्यक्रम, प्रदेश स्तरीय कमैया मुक्ती दिवस मनैना,प्रदेश सरकारहे त्रैमासिक रुपमे ज्ञापन पत्र प्रदान कैना, राहत सहयोग बाँटल बटैलै ।
सामाजिक परिक्षण कार्यक्रममे उहाँ आर्थिक बर्ष २०७७/२०७८ के कार्यक्रम बजेट ४ लाख ९६ हजार २ सय २१ रहलमे ७ लाख ७४ हजार ७ सय ८ रुप्या खर्च हुइल जनैलै ।
अनुगमन तथा सामाजिक लेखा परिक्षण कार्यक्रमके वडका पहुना गोदावरी नगरपालिकाके उपप्रमुख रत्ना कडायत प्राय संघसंस्था कार्यक्रम करके सामाजिक लेखा परिक्षण ओ अनुगमन नइकरल बटैली ।
उहाँ कहली, लक्षित वर्गके लाग कार्यक्रम नन्ना मने कागजमे मिलैना करठै । यैसिक सामाजिक लेखा परिक्षण ओ अनुगमन जरुरी रहठ । उहाँ गोदावरी–८ हरिनगर मुक्तकमैया बस्तीमे रहल खानेपानी समस्या समाधानके लाग पहल कैना बटैली ।
कार्यक्रममे गोदावरी नगरपालिकाके निमित्त प्रशासकीय अधिकृत बसन्त खत्री, आर्थिक विकास शाखा प्रमुख शिवरराज भाट, पशु शाखा प्रमुख रामबहादुर सार्की, वडा–८ के अध्यक्ष नरेश अधिकारी, मञ्चके जेटिए तथा प्राविधिक नारायण चौधरी, फिल्ड सहजकर्ता शारदा चौधरी लगायतके उपस्थिति रहे । हरिनगरमे १३ मुक्तकमैया बस्तीके बालबालिकाहुकनहे प्रति एक जनहे ४६ सय बराबरके नगद ओ स्टेशनरी सहयोग करल बा ।
तरकारी खेती करुइया १० जाने महिलाहुकनहे विउ, हजारी, थोपा सिचाई, पोलीहाउस सहयोग करल बा । नौ घरधुरीहे लोकल मुरगी पालनके खोर, ५ जनहनहे मिनि ह्चारी, ५६ घरधुरीहे राहात, १६ सुत्केरी तथा गर्भवती महिलाहुकनहे प्रति व्यक्ति एक किलो चना, १ क्रेट अण्डा, १ किलो राजमा सहयोग करल बा ।
