निमावि तहमे २६ सय शिक्षकके लाग विज्ञापन खुलल्
काठमाडौं, ७ पुस । शिक्षक सेवा आयोग टमान विषयमे झन्डे २६ सय शिक्षक माग कैटी आवेदन खुला करले बा । आयोगसे बुधके वेबसाइटमे सूचना निकारके निमावि तृतीय श्रेणीके लाग दुई हजार पाँच सय ९८ जाने शिक्षकके लाग आवेदन माग करल हो ।
नेपाली विषयके लाग ४ सय ३७, अंग्रेजी विषयके लाग ६ सय २४, गणितमे ३ सय ७१, विज्ञानमे ४ सय ४०, सामाजिक अध्ययनमे ३ सय ५३, शुक्लयर्वेदमे एक, गणित–विज्ञानमे ३ सय ६४, संस्कृत व्याकरणमे तीन, संस्कृत भाषामे चार, संस्कृत कर्मकाण्डमे एक शिक्षक माग कैटी विज्ञापन खुलाइल हो ।
इच्छुक उम्मेदवार अइना माघ महिनाके ६ गतेसम तोकल दस्तुरमे ओ माघ ७ से १३ गतेसम दोब्बर दस्तुर तिरके आवेदन डेहे सक्ना बाटै । १८ बरस पूरा होके ४० बरस नै नाघलहुक्रे आवेदन डेहे पैना बाटै । परीक्षा लिखित ओ अन्तर्वार्ता हुइना बा । सातु प्रदेशमे परीक्षा केन्द्र तोकल बावै । आवेदनके लाग आयोगके वेबसाइटमे जाके अनलाइन फारमसमेत भरे सेकजैना सूचनामे उल्लेख रहल बा ।
