देशभर ४३५ जनहनमे कोरोना संक्रमण पुष्टि

काठमाडौं, २१ पुस । पाछेक २४ घण्टामे थप ४३५ जनहनमे कोरोना भाइरस संक्रमण पुष्टि हुइल बा ।

स्वास्थ्य तथा जनसंख्या मन्त्रालयके अनुसार ६ हजार ७१५ जनहनके पीसीआर परीक्षणमे ३७० जाने ओ ३ हजार ५५२ एन्टिजेन परीक्षण करेबर ६५ जाने सहित ४३५ जनहनमे संक्रमण पुष्टि हुइल हो । हाल देशभर कोरोना भाइरसके सक्रिय संक्रमितके संख्या ५,२२५ रहल बा । जौनमध्ये ४,८५२ जाने होम आइसोलेसनमे रहल बाटै ।

पाछेक २४ घण्टामे कोरोना संक्रमणमुक्त हुउइयाके संख्या २३९ रहल बा कलेसे कोरोना संक्रमणसे केक्रो मृत्यु हुइल नैहो ।