सोनाहा जाति पहिचानके माग
पहुरा समाचारदाता
धनगढी, २५ पुस । अल्पसंख्यक सोनाहा जातिके पूर्ण पहिचान, सूचीकरण एंव अधिकारके सवालमे प्रधानमन्त्री शेरबहादुर देउवाहे ज्ञापनपत्रसहित ध्यानाकर्षण करागिल बा ।
शनिच्चरके रोज प्रधानमन्त्री देउवाहे लुम्बिनी प्रदेश प्रमुख अमिक शेरचन ओ संविधान सभा सदस्य एवं सामाजिक अभियन्ता हरि श्रीपाइली नेतृत्वके संयुक्त टोली अल्पसंख्यक सोनाहा जातिके पहिचान, सूचीकरण, आर्थिक सामाजिक, शैक्षिक ओ साँस्कृतिक सवाल ओ संवैधानिक रुपमे अधिकार सुनिश्चितताके सवालमे ध्यानाकर्षण कराइल हो ।
टोलीसंगके भेटमे प्रधानमन्त्री देउवा सोनाहा जातिके सूचीकरण ओ अधिकारके सवालमे अप्ने सम्बन्धित निकायसंग छलफल पहल करना बटैलि ।
टोलीमे प्रतिनिधि सभा सदस्य सन्तकुमार थारु, राजापुर नगरपालिका नगरप्रमुख शिवप्रसाद चौधरी, सोनाहा विकास समाजके अध्यक्ष शान्ति सोनाहा, नेपाल सोनाहा संघर्ष समितिके अध्यक्ष बलबहादुर सोनाहा, राधा सोनाहा लगायतके सहभागिता रहे ।
कैलाली, कञ्चनपुर ओ बर्दियामे कैके ३ जिल्लामे करिब १ हजार २ दुई ६ जाने किल अल्पसंख्यक सोनाहा जातिके जनसंख्या रहल पूर्वसांसद श्रीपाईली जानकारी डेलैं ।
