फिल्म ‘थिरिमाली’के गीतमे स्वस्तिमाके ‘बोल्ड’ आइटम डान्स
काठमाडौं, ०९ माघ । मलयालम चलचित्र ‘थिरिमाली’मे अभिनेत्री स्वस्तिमा खड्का आइटम नृत्य करलपाछे इ चलचित्रहे लेके नेपाली दर्शक फेन उत्साहित हुइल बाटै । निर्माणपक्षसे यकर आइटम गीत सार्वजनिक करले बा, जहाँ स्वस्तिमाके बोल्ड नृत्य हेरे सेकजाइ ।
‘रंग विरंगी रात फिरंगी’ बोलके गीतमे स्वस्तिमाके आइटमसे दर्शकके मन जिटल बा । सार्वजनिक हुइल २४ घन्टा नैबित्टी इ गीत युट्युबमे ५ लाख ढिउर भ्युज पासेकल बा ।
मलयालम भाषामे निर्माण कैलेसे फेन इ गीत भर हिन्दी भाषामे तयार पारल बा । बिजीपालके संगीत, तनिष्क नम्बरके शब्द रहल गीतमे सुनिधि चौहानके स्वर रहल बा ।
नेपाल घुमे आइल चलचित्रके मुख्य पात्र स्वस्तिमाके आइटम नृत्य हेरे डान्स क्लबमे पुगल डेखाइल बा । राजीव सेठ्ठीके निर्देशन रहल इ चलचित्रमे नेपालके पोखरा, काठमाडौं ओ लुक्लाके रमणीय स्थान हेरे सेकजाइ । इ चलचित्र तीन जाने पात्रके कथाहे पर्दामे उटरले बा ।
चलचित्रमे नेपाली कलाकार माओेत्से गुरुङ ओ उमेश तामाङके फेन अभिनय हेरे सेकजाइ ।
