भारतसे जोरल सिमानाका चार दिनके लाग बन्द

दार्चुला, २८ माघ । भारतसंग जोरल पश्चिमी सिमानाका चार दिनके लाग बन्द हुइना हुइल बावै । भारतके उत्तराखण्डमे हुइना विधानसभा निर्वाचनके लाग नेपालसंग जोरल सीमानाका बन्द हुइना जिल्ला प्रशासन कार्यालय कञ्चनपुर जनैले बा ।

उत्तराखण्डमे हुइना विधानसभा निर्वाचनके लाग कञ्चनपुरके गड्डाचौकी नाका बिफेक ६ बजेसे बन्द हुइना कञ्चनपुरके प्रमुख जिल्ला अधिकारी रामप्रसाद पाण्डेय बटैलै । ओहकान अनुसार माघ २८ गते साँझ ६ बजेसे फागुन २ गते साँझ ६ बजेसम नाका बन्द हुइना बावै ।

ओस्टके बैतडीके झुलाघाट, दार्चुलाके लाली, जोलजीवी, दत्तु, खलंगालगायतके भारतसंग जोरल नाका बन्द हुइना बावै । निर्वाचनके सुरक्षा संवेदनशीलताके कारण डुनु देशके सहमतिके आधारमे नाका बन्द करल हो ।