थप ४३७ मे कोरोना संक्रमण पुष्टि, २ के मृत्यु

काठमाडौं, ६ फागुन । बिटल २४ घण्टायहोर नेपालमे ४ सय ३७ जहनमे कोरोना संक्रमण पुष्टि हुइल बा । ९ हजार ९१ जहनमे पीसीआर ओ एन्टीजेन विधिसे करल परीक्षणमे ४३७ जहनमे कोरोना संक्रमण डेखाइल स्वास्थ्य तथा जनसंख्या मन्त्रालय जनैले बा ।

ओहे अवधिमे २ हजार ४५४ जाने कोरोना संक्रमणमुक्त हुइल बटैं । यीसँगे कोरोना संक्रमणमुक्त हुइनाके संख्या ९ लाख ४८ हजार ७ सय ८४ रहल मन्त्रालय जनैले बा ।

ओस्टेक, गैल २४ घण्टामे २ जहनके कोरोना संक्रमितके मृत्यु हुइल बा । हालसम कोरोना संक्रमणसे मृत्यु हुइनाके संख्या ११ हजार ९ सय १३ रहल बा ।