बारमे बन्धक बनाइल किशोरीके उद्धार

पहुरा समाचारदाता
धनगढी, ९ फागुन । कैलालीके धनगढीस्थित एक रेष्टुरेन्टसे तीन किशोरीके उद्धार करल बा । धनगढी उपमहानगरपालिकास्थित रातोपुलस्थित रहल टिनटिन रेष्टुरेन्ट एण्ड बारसे तीन किशोरीके उद्धार करल हो ।

जिल्ला प्रहरी कार्यालय कैलालीके प्रहरी नायब उपरीक्षक वेदप्रकाश जोशीके अनुसार कुछ महिनासे बन्धक बनाइल गुनासोपाछे उहाँहुक्रनके उद्धार करल हो ।

‘काम करैना कहिके लानल मने तलब फेन नैडेहल, बार निक्रे फेन नैडेहल गुनासो आइल रहे,’ डिएसपी जोशी कहलै, ‘उहे गुनासोके आधारमे तीन जनहनके उद्धार करल बा । रेष्टुरेन्ट सञ्चालकसहित तीन जनहनहे पक्राउ फेन करल बा ।’

जिल्ला प्रहरी कार्यालय कैलालीके प्रमुख, प्रहरी उपरीक्षक विश्व अधिकारी उद्धार करल किशोरी ओ पक्राउ परल अन्य तीन जनहनसंग थप सोधपुछ हुइटी रहल बटैलै ।