स्वास्थ्य चेकजाँचमे नेशनल प्याथ ल्यावसे पत्रकारहे ३० प्रतिशत छुट डेना
पहुरा समाचारदाता
धनगढी, १० फागुन । नेशनल प्याथ ल्याव धनगढीसे पत्रकार, सञ्चार गृहमे कार्यरत कर्मचारी तथा पारिवारिक सदस्यहे हरेक चेकजाँचमे ३० प्रतिशत छुट डेना हुइल बा ।
नेपाल पत्रकार महासंघ सुदूरपश्चिम प्रदेश समितिसँगके सहकार्यमे नेशनल प्याथ ल्याव धनगढीसे प्रदेशमे रहल पत्रकार, सञ्चार गृहमे कार्यरत कर्मचारी तथा पत्रकारके परिवारके सदस्यहे स्वास्थ्य चेकजाँचमे उ छुट डेना हुइल हो ।
मंगरके पत्रकार महासंघ सुदूरपश्चिम प्रदेश समितिके सदस्य हरि जोशी ओ ल्यावके प्रवन्धक हरि सिंह धामी बिच ल्यावसे प्रदान कैना टमान सेवा, स्वास्थ्य परिक्षण तथा सुविधामे डेना छुट सम्बन्धी सम्झौता करल बा । ल्यावसे पत्रकार अपने प्रदेशमे गुणस्तरीय परिक्षणमे सहुलियत डेना उद्देश्यसे दुइ पक्षीय सम्झौता करल हो ।
ल्यावसे प्रदान करजैना सेवा प्राप्त करक लाग महासंघके सिफारिस तथा परिचयपत्र अनिवार्य आवश्यक रहल बा । परिक्षणके रिर्पोट सेवाग्राहीके चाहना अनुसार इमेल, ह्वाट्सएप वा भाइबरसे फेन उपलब्धक कराइ सेकजैना ल्याव जनैले बा ।
सम्झौता पाछे मूलधारके सञ्चारमाध्यममे कार्यरत पत्रकार तथा कर्मचारी महासंघमे आवद्ध पत्रकार तथा परिवारके सदस्य सहित इ प्रदेशमे करिव २० हजार ढिउर लाभान्वित हुइना विश्वास करल बा ।
