१७ स्थानीय तहके ४४ मतदान केन्द्रके मतदान स्थगित

काठमाडौं, ३० वैशाख । स्थानीय तहके निर्वाचन अन्तर्गत टमान १७ ठो स्थानीय तहके ४४ मतदान केन्द्रमे मतदान स्थगित हुइल बा । प्रमुख निर्वाचन आयुक्त दिनेश थपलिया राजनीतिक दलके बीचमे विवाद ओ वर्षाके कारण समेत कैके देशभरके १७ स्थानीय तहके २८ मतदान स्थलके ४४ ठो मतदान केन्द्रमे मतदान सम्पन्न हुइ नैसेकल जानकारी डेलैं ।

‘कुछ ठाउँमे अप्रिय घटनासमेत हुइल, आज हम्रे सब ठाउँमे एकचरणमे मतदान सम्पन्न हुइना अपेक्षा करले रहि,’ उहाँ कलैं, ‘मने, दलहुकन बीचमे उत्पन्न विवाद उग्र रुप लेहलह ओ वर्षाके कारण समेत कैके देशभर ४४ ठे स्थानीय तहमे मतदान सम्पन्न हुइ नैसेकल ।’

उहाँ कुछ ठाउँमे वर्षाके कारण समेत सब मतदाता सहभागी हुइ नैसेक्ना अवस्थाहे ध्यानमे ढैके उ स्थानमे मतदान अधिकृत मतदान स्थगन करल जानकारी डेलैं ।

उहाँक अनुसार मतदानके लाग औरे मिति भर तोकल नैहो ।