सचेतना तथा अन्तरक्रिया कार्यक्रम सम्पन्न

पहुरा समाचारदाता
मसुरिया, १ भदौ । कैलालीके गौरीगंगा नगरपालिकामे मानसिक स्वास्थ्य तथा मनोसामाजिक सुस्वास्थ्यबारे सचेतना तथा अन्तरक्रिया कार्यक्रम हुइल बा ।

कोसिस नेपालसे आयोजनामे गौरीगंगा नगरपालिकाके समन्वयमे महिला स्वास्थ्य स्वयम्सेविका, स्वास्थ्य शाखा प्रमुख, महिला बालबालिका शाखा ओ प्रशासन शाखाके शाखा प्रमुखहुकनसंग अन्तरक्रिया कार्यक्रम कैगिल हो ।

नगरप्रमुख देवीदत्त कँडेलके अध्यक्षतामे हुइल कार्यक्रममे कोसिस नेपालके बारे नेपालमे मानसिक स्वास्थ्यके विद्यामन अवस्थाबारे सामुदायिक स्यमसेवक कृति चौधरी जानकारी कराइल रहिट ।

कार्यक्रममे मानसिक स्वास्थ्य तथा मनोसामाजिक सुस्वास्थ्यबारे छलफल हुइल रहे । ओस्टेक परियोजनाके ओरसे गौरीगंगामे सम्पन्न हुइल क्रियाकलापबारे मनोपरामर्शकर्ता पशुपति खाती जानकारी करैले रहिट ।