कैलारीके हिउँदे अधिवेशन पुस २८ गतेसे

पहुरा समाचारदाता
कैलारी, २० पुस । कैलाली जिल्ला कैलारी गाउँपालिकाके आर्थिक बर्ष २०७९÷०८० सालके हिउँदे अधिवेशन यिहे २८ गतेसे सुरु हुइना बा ।

कार्यपालिकाके मंगरके रोज बैठल बैठकसे पुस २८ गते विफेक रोजसे हिउँदे अधिवेशन सुरु कैना निर्णय हुइल गाउँपालिकाके सूचना अधिकारी तथा सामाजिक विकास शाखा प्रमुख यगम कलेल जनैलै ।

हिउँदे अधिवेशनमे गाउँपालिकाहे आवश्यक पर्ना ऐन, नियम, निर्देशिका, कार्यविधि, मापदण्ड बनाजैना उहाँ जानकारी डेलै । यी अधिवेशनमे विद्येक समितिसे विद्येक प्रस्तुत कैना ओ विद्येक उप्पर छलफल कैना उहाँ बटैलै ।

ओस्टेक करके गाउँपालिकाके अर्धबार्षिक प्रगतीके समिक्षा, विकास निर्माणसंग सम्बन्धित समसमायिक विषयवस्तु उप्परफे छलफल हुइना सूचना अधिकारी कलेल जनैलै ।