अन्तरपालिका टी २० क्रिकेट प्रतियोगिता सुरु

पहुरा समाचारदाता
धनगढी, ८ जेठ । कैलालीके धनगढी ओ लम्की चुहामे कैलाली प्रिमियर लिग अँटवारसे सुरु हुइल बा । कैलाली कञ्चनपुरके स्थानीय तहके टीमसे सहभागीता जनाइल कैलाली प्रिमियर लिग अन्तरपालिका टी २० क्रिकेट प्रतियोगिता सुरु हुइल हो । प्रतियोगिताके धनगढीमे प्रदेश सभा सदस्य ललिता सुनार उद्घाटन करलै ।

प्रतियोगिता अन्तर्गत अँटवारके धनगढीमे हुइल खेलमे धनगढी उपमहानगरपालिका विजयी हुइल बा । धनगढीसे पुर्नवास नगरपालिकाहे हराइल हो । ओस्टेक लम्की चुहा नगरपालिकामे हुइल खेलमे लम्की चुहा नगरपालिका विजयी हुइल बा । लम्की चुहासे बर्दगोरिया गाउँपालिकाहे हराइल हो ।

कैलाली जिल्ला क्रिकेट संघके आयोजनमामे हुइल प्रतियोगिता जेठ १३ गतेसम सञ्चालन हुई । प्रतियोगिताके विजेतासे एक लाख ५१ हजार ओ उपविजेतासे ७५ हजार नगद पुरस्कार पैही । ओस्टेक प्रतियोगिताके उत्कृष्ट खेलाडीहे नगद १० हजार ओ टमान विधाके उत्कृष्ट खेलाडीसे जनही ५ हजार नगद प्राप्त करही ।