थारू म्युजिक भिडियो ‘मायाके जालसे’ सार्वजनिक
पहुरा समाचारदाता
धनगढी, ४ कात्तिक । दर्शकहुक्रनके लम्मा अस्रापाछे थारू म्युजिक भिडियो ‘मायाके जालसे महिन फसैलो’ सार्वजनिक हुइल बा ।
शुकके सिएस युट्यूव च्यानलसे म्युजिक भिडियो सार्वजनिक हुइल हो । मोडल तथा नायक मुकुण्ड जिसी, मोडल सुमित्रा चौधरी, बाल कलाकार रिया दहित ओ कलाकार लायकसिंह दहितके अभिनय रहल एक कथा बोकल गीत दर्शकहुक्रनके माझ आइल हो ।
गायिका समिक्षा चौधरी ओ गायक श्याम चौधरीके स्वरमे रहल गितके एरेन्ज गणेश चौधरी करले बाटै कलेसे मिक्स मास्टरिङ्ग चन्द्र चौधरी करले बाटै । सामाजिक सञ्जाल टिकटकमे भाईरल बनल इ गित धनगढीमे एक सुटिङ्ग सेट बनाके छायाँकन करल रहे । जेकर छायाँकार, ईडिट, मिक्सीङ्ग ओ कलर सतिश कुमार सिन्हा करले बाटै कलेसे निर्देशन सुधराम दहितके रहल बा ।
सुटिङ्ग सेटमे लाईटिङ्ग तथा जनिजी ओपरेटिङ्ग छल्लु दादा करल रहिट कलेसे मेकअप प्रिया चौधरीके रहल बा । कथाके डाईलक अनिल कुश्मीके रहल बा ।
