माकुरा समुहके क्षमता विकास तथा नेतृत्व हस्तान्तरण तालिम

पहुरा समाचारदाता
हसुलिया,२४ कार्तिक । माकुरा समुहके क्षमता विकास तथा नेतृत्व हस्तान्तरण ३ दिने तालिम शुकके रोज समापन हुइल बा ।

कैलारी गाउँपालिका न्यायिक समिति संयोजक भगवतीकुमारी चौधरी ज्यूके सभाध्यक्षतामे हुइल कार्यक्रममे वडा न. ८ को वडा अध्यक्ष तारामाल कठरिया, वडा सदस्य लक्ष्मी चौधरी, बिजय चौधरी, सव डिभिजन वन कार्यालय उदासीपुर प्रतिनिधि रामशंकर चौधरी, गाउँपालिका उपाध्यक्षके स्वाकीय तथा कम्प्युटर अपरेटर्स कृष्ण चौधरी, प्राकृतिक श्रोत द्वन्द्व रुपान्तरण केन्द्र नेपाल पश्चिम क्षेत्रके क्षेत्रीय संयोजक बल्लु चौधरी, गंगा दुलाल लगायतके उपस्थितिमे हुइल रहे । कार्यक्रमके सञ्चालन सहजकर्ता बन्धु प्रसाद चौधरी करल रहिट ।