अरुणीमा चौधरी गोल्ड मेडल जिटली

पहुरा समाचारदाता
धनगढी, ६ फागुन । पहिल विद्यालयस्तरीय राष्ट्रिय टेक्याण्डो च्याम्पियनसिप २०८० प्रतियोगितामे कैलालीके डिलाइट बोर्डिङ स्कूल धनगढीमे अध्ययनरत अरुणीमा चौधरी गोल्ड मेडल जिटले बटी ।

नेपाल तेक्वान्दो संघके आयोजनामे सातदो काठमाण्ठौमे हुइलक पहिल विद्यालयस्तरीय राष्ट्रिय टेक्याण्डो च्याम्पियनसिप २०८० प्रतियोगितामे सुदूरपश्चिम प्रदेशसे सहभागिता उहाँ ५९ किलो तौलमे पहिल हुके गोल्ड मेडल जिटल तेक्वान्दो प्रशिक्षक श्रीराम चौधरी जानकारी डेलै । उ प्रतियोगितामे नेपाल भरिक विद्यालयके खेलाडीहुकनके सहभागिता रहे ।