कैलाली सुरक्षा प्रमुखहे स्वागत
पहुरा समाचारदाता
धनगढी, १५ फागुन । कैलाली उद्योग वाणिज्य संघ धनगढीसे कैलालीके सुरक्षा प्रमुख हुक्रनहे स्वागत कैल बा ।
मंगरके संघसे आयोजित स्वागत तथा भेटघाट कार्यक्रममे संघके अध्यक्ष पुष्प कुँवरसे जिल्ला प्रहरी कार्यालयके प्रमुख प्रहरी उपरिक्षक पदम बहादुर विष्ट, सशस्त्र प्रहरी बलके प्रहरी उपरिक्षक दलबहादुर पाण्डेय ओ राष्ट्रिय अनुसन्धानके अनुसन्धान निर्देशक मोहन कुँवरहे स्वागत करल हो । अध्यक्ष कुँवर उहाँहुक्रनहे माला लगाके स्वागत करल रहिट ।
संघके वरिष्ठ उपाध्यक्ष पुष्कर ओझा कैलाली जिल्ला लगायत यहाँके उद्योगी तथा व्यापारीहुक्रनके वस्तुस्थिति बारे जानकारी कराइल रहिट । उहाँ कैलालीसुरक्षाके दृष्टिकोणसे एकदमै संवेदनशील रहल बटाइल रहिट ।
कार्यक्रम संघके अध्यक्ष पुष्प कुँवरके अध्यक्षतामे हुइल रहे । महासचिव ओम विष्ट कार्यक्रमके सञ्चालन करल रहिट कलेसे कार्यक्रममे नेपाल पत्रकार महासंघ कैलाली जिल्ला अध्यक्ष हिमाल जोशी, संघके कानुनी सल्लाहकार बिर बहादुर जेठारा, होटल व्यवसायी संघके केशव बोहरा स्वागत तथा कार्यसफलताके शुभकामना व्यक्त करल रहटि ।
