मृत्यु दावी भुक्तानी रकम हस्तान्तरण

पहुरा समाचारदाता
धनगढी, ५ बैशाख । हिमालयन लाइफ इन्स्योरेन्सके प्रदेश कार्यालय धनगढी शाखासे मंगरके रोज मृतक परिवारहे मृत्यु दावी भुक्तानी वाफतके १ लाख ५८ हजार ७ सय रुप्याके चेक रकम भुक्तानी करले बा । कम्पनीके साविक गुँरास लाइफ इन्स्योरेन्ससे अत्तरिया, कैलाली बैठना बीमित मनोदरी देवी भट्टसे १ लाख रुप्याके बीमा करल रहिट । उहाँक २०८० माघ ११ गते अचानक मुरी बठाके घरमे मृत्यु हुइल रहे ।

हिमालयन लाइफ इन्स्योरेन्स कम्पनीके धनगढी शाखाके शाखा प्रमुख रामचन्द्र कुश्मी मंगरके रोज बीमितके हकवाला पति धर्मराज भट्ट उपाध्यायहे दावी भुक्तानी वाफतके चेक हस्तान्तरण करल हुइट । शाखा प्रमुख कुश्मी आर्थिक सुरक्षा जे कोईसे लेहे पर्ना हुइल कारण आय ओ आर्थिक सुरक्षाके आधारमे सामान्यसे सामान्य परिवारके सक्कु सदस्यके जीवन बीमा आवश्यक रहल बटैली । दावी भुक्तानी कार्यक्रममे शाखाके अपरेशन प्रमुख मोहनप्रसाद जोशी, सहायक अपरेशन प्रमुख करन पाण्डे ओ एजेन्सी म्यानेजर सागर कुश्मी लगायतके उपस्थिति रहल रहे ।