स्कारपियो दुर्घटनामे चालकके मृत्यु

पहुरा समाचारदाता
धनगढी, ३ चैत । कैलालीके गोदावरी न.पा.३ मालाखेती चोक स्थित पुर्ब पश्चिम राजमार्गमे स्कारपियो दुर्घटना हुके चालकके मृत्यु हुइल बा ।
अत्तरियासे महेन्द्रनगरओर जैटी रहल बा १७ च ९६४५ नम्बरके स्कारपियो शनिच्चर रात पौन ९ बजे अपनही अनियन्त्रित हुके सडकसे अन्दाजी ५० मिटर दक्षिणओर रहल पक्की घरके भित्तामे टक्राके चालक जिल्ला कञ्चनपुर, कृष्णपुर न.पा.४ बैठना बर्ष ३६ के सुदिप राना घाहिल हुके उपचारके लाग पद्मा अस्पताल अत्तरिया हुइटी सेती प्रादेशिक अस्पताल धनगढी लैगिलमे उपचारके क्रममे राति ९ बजके २० मिनेटमे मृत्यु हुइल जिल्ला प्रहरी कार्यालय कैलालीके प्रवक्ता कविन्द्रसिंह बोहरा जनैलै ।