कैलारी–२ क्षमता विकास तथा आधारभूत कम्प्युटर तालिम सुरु
पहुरा समाचारदाता
हसुलिया, ६ चैत । कैलाली जिल्लाके कैलारी गाउँपालिका वडा नम्बर २ मे क्षमता विकास तथा आधारभूत कम्प्युटर तालिम सुरु हुइल बा ।
कैलारी गाउँपालिकाके आर्थिक सहयोगमे श्री पूर्णगिरी क्लव कैलारी–२ बसौटीके आयोजनामे क्षमता विकास तथा आधारभूत कम्प्युटर तालिम सुरु हुइल हो ।
क्लवके अध्यक्ष जनक राम चौधरीके अध्यक्षतामे हुइल कार्यक्रममे प्रमुख अतिथि रहल कैलारी गाउँपालिका आर्थिक विकास समिति संयोजक तथा वडा नम्बर ५ के वडा अध्यक्ष विष्णु प्रसाद चौधरी अब्बेक आवश्यका प्रविधिके ओरसे कम्प्यूटर सक्कु जाने सिख्ना जरुरी रहल बटैलै । उहाँ कहलै, समय परिस्थिति बहुट आघे बह्रसेकल ओरसे जे प्रविधिके पँहुचमे उ सूचना लेहे सेकी ।
ओस्टेक करके विशिष्ट अतिथिहुक्रे सामाजिक विकास समिति संयोजक तथा वडा नम्बर ३ के वडा अध्यक्ष सन्तराम चौधरी, थारु कल्याणकारिणी सभा कैलाली क्षेत्र नम्बर ३ के क्षेत्रीय सभापति कृष्णप्रसाद चौधरी, शिव शंकर प्राविके अध्यक्ष लक्ष्मी दहित, गाउँक भल्मन्सा धनिराम चौधरीलगायत मन्तव्य राखल रहिट । कार्यक्रममे विद्येयक समितिके संयोजक तथा वडा नम्बर २ के वडा अध्यक्ष विकास चौधरीफे विशिष्ट अतिथिके रुपमे सहभागिता रहिट ।
कार्यक्रमके संचालन कर्मदेव मन्दिर संरक्षण समितिके अध्यक्ष राजाराम चौधरी ओ स्वागत मन्तव्य क्लवके उपाध्यक्ष आरती चौधरी करल रही ।
