नेपाल शिक्षक संघसे सांगठनिक विस्तार तथा अन्तरक्रिया
पहुरा समाचारदाता
हसुलिया, ६ चैत । नेपाल शिक्षक संघ स्थानीय कार्यसमिति कैलारी गाउँपालिकाके सांगठनिक विस्तार तथा अन्तरक्रिया कार्यक्रम सम्पन्न हुइल बा ।
नेपाल शिक्षक संघ कैलारी गाउँपालिका स्थानीय कार्यसमितिके आयोजनामे कैलारी–६ के सभाहलमे सम्पन्न हुइल हो । नेपाल शिक्षक संघ कैलारीके अध्यक्ष सन्तोषकुमार चौधरीके अध्यक्षतामे हुइल कार्यक्रममे कैलारी गाउँपालिकाके सामाजिक विकास समितिके संयोजक तथा वडा नम्बर ३ के वडा अध्यक्ष सन्तराम चौधरीके प्रमुख आतिथ्यतामे हुइल रहे ।
कार्यक्रममे विशिष्ट पहुना नेपाली काँग्रेसके आमान्त्रित केन्द्रीय सदस्य आशा राम चौधरी, कैलारी गाउँपालिकाके भौतिक पूर्वाधार विकास समिति संयोजक तथा वडा नम्बर ६ के वडा अध्यक्ष प्रेमबहादुर चौधरी, नेपाली काँग्रेसके महासमिति सदस्य रामचरण चौधरी, नेपाली काँग्रेस कैलारीके सभापति कृष्ण प्रसाद चौधरी, नेपाल शिक्षक संघ कैलालीके जिल्ला सहसचिव खडक तिरुवा, जिल्ला सदस्य मदन प्रसाद पौडेललगायत मन्तव्य राखल रहिट ।
कार्यक्रमके संचालन नेपाल शिक्षक संघ कैलारीके वडा नम्बर ७ के वडा संयोजक डम्मर शाह ओ स्वागत संघके उपाध्यक्ष रिमा चौधरी करल रहिट । कार्यक्रममे वडा नम्बर ६ ओ ९ के शिक्षक संघके प्रतिनिधिहुकनके सहभागितामे कार्यक्रम हुइल हो ।
