कठरिया लोक नाँच संरक्षण तथा प्रवद्र्धन कार्यक्रम

जीवन चौधरी
पहलमानपुर, १० चैत । कैलाली जिल्लाके घोडाघोडी नगरपालिका वडा ११ सिसैयामे कठरिया लोक नाँच संरक्षण तथा प्रवद्र्धन कार्यक्रम हुइल बा ।

‘हमार एकता आजके आवश्यकता, संकृति पुस्तन्त्रण हमार प्राथमिकता’ कना मुल नाराके साथ कठरिया लोक नाँच संरक्षण तथा प्रवद्र्धन कार्यक्रम हुइल हो ।

कठरिया सन्देश पत्रिकाके प्रकाशक राजेन्द्र कठरियाके अध्यक्षतामे हुइल कार्यक्रममे वर्का पहुना घोडाघोडी नगरपालिकाके नगर प्रमुख खड्कबहादुर रावत भेषभुष ओ पहिचानहे बचाइक लाग नगरपालिकासे अर्थिक, भौतिक नैतिक रुपसे सहयोग कर्ना बटैलै ।

पहलमानपुर स्वास्थ्य चौकी इन्चार्ज रामप्रसाद चौधरी कठरिया भाषाके गित रेकर्ड करल पहिल अपन प्रयास रहल बटैलै ।
कार्यक्रममे सिसैयाके होरी नाँच, तप्पाके होरी नाँच मुनुवाके भागतुवा नाँच, बन्ना नाँच, चर्राके मिचुवा छुट्टा, कोटाके होरी नाँच तुल्सीपुरके होरी नाँचके साथे गायक रमेश मिसन आधुनिक गित लगायत स्थानीय कलाकारहुक्रे नाँच डेखाइल रहिट । कार्यक्रममे स्वागत गाउँक भल्मन्सा गयाप्रसाद क्ठरिया ओ संचालन पत्रकार टिआर कठरिया करल रहिट ।