राष्ट्रिय सहकारी दिवसमे रक्तदान ओ प्रभावफेरी

पहुरा समाचारदाता
हसुलिया, २० चैत । ६८औं राष्ट्रिय सहकारी दिवस २०८१ के अवसरमे कैलारी गाउँपालिका १ हस्ुलियामे विफेक रोज रक्तदान ओ प्रभातफेरी कार्यक्रम कैगिल बा ।

कैलारी गाउँपालिकाके सक्कु सहकारी कोअपरेटिभ्स म्यानेजर्स क्लव (सिएमसी) कैलारी शाखा, विएफसी क्लव कैलारीके आयोजनामे कैलारी गाउँपालिकाके पर्वद्धनमे रक्त संचार केन्द्र क्षेत्रीय कार्यालय धनगढी कैलाली, नेपाल रेडक्रस सोसाइटी उपशाखा कैलारीके प्राविधिक सहयोगमे दिवस मनागिल हो ।

रक्तदान ओ प्रभातफेरी कार्यक्रम कैलारी गाउँपालिकाके उपाध्यक्ष भगवतीकुमारी चौधरीके बरका पहुनामे हुइल रहे । कार्यक्रममे सम्बोधान करटी उहाँ सहकारी तथा वित्तीय संस्थाके सहकार्यमे ग्रामीण क्षेत्रमे जनता सहजुले लोन लेके व्यवसाय तथा कृषि कैना सहयोग मिलल बटैली । उहाँ कहली, ‘गाउँपालिकासे एक सहकारी एक उद्योग संचालन कैना नीति लेके सहयोग करल मने सहकारी संस्थासे अनुदान लेके नीति ओ उद्देश्य अनुसार बह्रे नैसेकल हो ।

उहाँ सहकारीके स्थापना दिवसके अवसरमे सामाजिक कार्य करल कहटी धन्यावाद ज्ञापन करल रहिट ।
कार्यक्रममे हिम शिखर बहुउद्देश्यीय सहकारी संस्था लिमिटेडके उपाध्यक्ष रोशन सिंह, रक्तसञ्चार केन्द्र धनगढीके प्राविधक सोनिका बखरियालगायतसे मन्तव्य राखल रहिट ।

६८ औ सहकारी दिवस मुल आयोजक समितिके संयोजक कौशी बोहराके सभापतित्वमे हुइल कार्यक्रममे विएफसी क्लव कैलारीके अध्यक्ष यूवराज जोशी स्वागत मन्तव्य ओ सगम सहकारीके कैलारीके प्रमुख सुरेन्द्र चौधरी कार्यक्रम संचालन करल रहिट । रक्तदान कार्यक्रममे २८ जाने रक्तदान करल रहिट । यिहे अवसरमे कैलारीमे रहल सक्कु सहकारी तथा वित्तीय संस्थाके प्रतिनिधिहुकनके सहभागितामे हसुलिया बजार परिक्रमा करटी प्रभातफेरी ¥यालीके आयोजना कैगिल रहे ।