उत्कृष्ट कार्यसम्पादन बाफत जानकी गाउँपालिकाहे सम्मान

पहुरा समाचारदाता
धनगढी, २२ चैत । कैलाली जिल्लामे उत्कृष्ट कार्यसम्पादन करल बाफत उत्कृष्ट कार्यसम्पादन करल बाफत जिल्ला समन्वय समिति कैलालीसे जानकी गाउँपालिकाहे सम्मान करले बा ।

जिल्ला समन्वय समितिके नऔं जिल्ला सभाके अवसरमे गाउँपालिकाहे सम्मान करल हो । सुदूरपश्चिम प्रदेशके मुख्यमन्त्री एवं कार्यक्रमके बर्का पहुना कमल बहादुर शाह गाउँपालिका अध्यक्ष गणेश चौधरीहे सम्मान करल हुइट ।

नेपाल सरकार, संघीय मामिला तथा सामान्य प्रशासन मन्त्रालयसे आर्थिक बरस २०८०/०८१ के स्थानीय तह वित्तीय सुशासन जोखिम मूल्याङ्कन (एफआरए)मे जिल्लाके स्थानीय तह मध्ये जानकी गाउँपालिका सर्वोत्कृष्ट हुइल बावै । ओस्टके प्राकृतिक स्रोत तथा वित्त आयोगद्वारा आर्थिक बरस २०८०/०८१ मे टमान १७ सूचकमे आधारित रहीके करल कार्यसम्पादन मूल्याङ्कनमे जिल्लाके स्थानीय तहमध्ये दोस्रो स्थान हासिल करले बावै ।

कार्यक्रम जिल्ला समन्वय समिति कैलाली प्रमुख टीका कुमारी चौधरी भूलके अध्यक्षतामे हुइल रहे ।