नवजीवन सेवा संघके सहयोगमे विद्यालयमे निर्मित भौतिक पूर्वधारके अनुगमन
पहुरा समाचारदाता
हसु्लिया, २६ चैत । कैलाली जिल्लाके कैलारी गाउँपालिकामे नवजीवन सेवा संघके आर्थिक सहयोगमे विद्यालयमे निर्मित भौतिक पूर्वाधारके अनुगमन कैगिल बा ।
मंगरके रोज कैलारी गाउँपालिका अध्यक्ष राजसमझ चौधरीके अगुवाईमे नवजीवन सेवा संघके आर्थिक सहयोगमे दु्ई विद्यालयमे बनल भौतिक पूर्वाधारके क्षेत्रके स्थलगत अनुगमन कैगिल हो ।
कैलारी गाउँपालिका वडा नम्बर २ उजलीशेमरामे रहल राष्ट्रिय माध्यमिक विद्यालयमे नवजीवन सेवा संघके आर्थिक सहयोगमे कक्षा कोठा मर्मत, अपाङतामैत्री ¥याम्पसहितके बराण्डाके मर्मत सुधार, विद्यालयमे नमूना हात धुइना धारा, अपाङतामैत्री शौचालय तथा लउण्डी विद्यार्थीनहे लाग सेनेटरी प्याड डिस्पोजल विनके व्यवस्थापन, खानेपानीके व्यवस्थापन ओ खाजा घर व्यवस्थापनके अनुगमन कैगिल हो ।
ओस्टेक करके कैलारी गाउँपालिका वडा नम्बर ५ पवेरास्थित जनकल्याण माविमेफे नवजीवन सेवा संघके आर्थिक सहयोगमे कक्षा कोठा मर्मत करके टायल विछाइल, अपाङतामैत्री ¥याम्पसहितके बराण्डाकेफे मर्मत सुधार, विद्यालयमे नमूना हात धुइना धारा, अपाङतामैत्री शौचालय तथा लउण्डी विद्यार्थीनहे लाग सेनेटरी प्याड डिस्पोजल विनके सहितके व्यवस्थापन ओ खानेपानीके व्यवस्थापन, खाजा घर व्यवस्थापनके अनुगमन कैगिल हो ।
नवजीवन सेवा संघके कार्यक्रम व्यवस्थापक एकिन्द्र ठकुल्ला कैलारी गाउँपालिका वडा नम्बर ६ स्थित सरस्वती माविमेफे खानेपानी व्यवस्थापन, हात धुइना धारा स्थापना करल, उहे वडाके जानकी माविमे कक्षा कोठा मर्मत, अपाङतामैत्री शौचालय तथा लउण्डी विद्यार्थीनहे लाग सेनेटरी प्याड डिस्पोजल विनके सहितके व्यवस्थापन ओ खानेपानीके व्यवस्थापन कैगिल जनैलै ।
ओस्टेक करके कैलारी गाउँपालिका वडा नम्बर ९ स्थित जनता मावि गदरियामे अपाङतामैत्री शौचालय तथा लउण्डी विद्यार्थीनहे लाग सेनेटरी प्याड डिस्पोजल विनके सहितके व्यवस्थापन ओ खानेपानीके व्यवस्थापन कैगिल जनैलै ।
कार्यक्रम व्यवस्थापक ठकुल्ला कैलारीके सक्कु वडाके ४४ ठो विद्यालयमे कक्षा कोठा मर्मत, अपाङतामैत्री ¥याम्पसहितके बराण्डाकेफे मर्मत सुधार, विद्यालयमे नमूना हात धुइना धारा, अपाङतामैत्री शौचालय तथा लउण्डी विद्यार्थीनहे लाग सेनेटरी डिस्पोजल विनके सहितके व्यवस्थापन ओ खानेपानीके व्यवस्थापन, खाजा घर व्यवस्थापनके सपोट करल जनैलै ।
ओस्टेक नवजीवन सेवा संघसे चालु आर्थिक बर्षमे कैलारी गाउँपालिकाके सामुदायिक विद्यालयमे अध्ययनरत अपाङगता रहल बालबालिकाहुकनहे शैक्षिक सामाग्री वितरण कैगिल रहे ।
नवजीवन सेवा संघसे कक्षा १ से ३ समके बालबालिकाहुकनहे व्याग १ थान, पेन्सिल ४ पाकेट, कलर २ पाकेट, साफनर १ पाकेट, इलेजर १ पाकेट, कापी २० हस्तान्तरण करल रहे ।
ओस्टेक कक्षा ४ से १० समके लाग व्याग १ थान, पेन्सिल १ थान, पेन २ थान, जेमेट्रिक बक्स १ थान, कापी २० पिस हस्तान्तरण कैगिल रहे । कक्षा १ से १० समके ४९ जाने अपाङगता रहल बालबालिकाहुकनहे शैक्षिक सामाग्री हस्तान्तरण कैगिल रहे । कलेसे नवजीवन सेवा संघके आयोजना तथा कैलारी गाउँपालिकाके समन्वयमे कैलारी गाउँपालिकाके सामुदायिक विद्यालयमे अध्ययनरत अपाङगता रहल बालबालिकाहुकनहे लौव शैक्षिक शत्रमे शैक्षिक सामाग्री वितरण कैना संघके कार्यक्रम व्यवस्थापक ठकुल्ला बटैलै ।
संघसे सन २०२४ मे वडा नम्बर ६ के बेनौलीमे कृषक समुहहे छेगरी पालन तालिम, राष्ट्रिय मावि विचैपुरमे स्वास्थ्य शिविर संचालन, कैलारी गाउँपालिकाके सक्कु विद्यालयके शिक्षकहुकनहे विषयगत तथा आन्तरिक मुल्यांकन तालिम, विद्यालय व्यवस्थापन समिति, शिक्षक अभिभावक संघहे तालिम प्रदान करल बा ।
शिक्षक तथा यूवा समुहहे आधारभूत कम्प्युटर हार्डवेयर तालिम, कैलारी गाउँपालिका सक्कु १८ ठो विद्यालयमे अभिभावक शिक्षा कार्यक्रम संचालन, गाउँपालिकाके विद्यालयके विद्यार्थी तथा शिक्षकहुकनहे वातावरण ओ डिआरआर सम्बन्धी तालिम, गाउँपालिका ओ सहास नेपालसे मिल्के वृहत वृक्षरोपण कार्यक्रम तथा ट्रि निर्माण करल बा ।
ओस्टेक कैलारी गाउँपालिकाके सहकार्यमे पोषण कार्यक्रममे सहकार्य, गाउँपालिकासंग मिल्के आमा समुह, वाल क्लव तथा यूवा क्लवहे तालिम संचालन, विद्यालयमे भर्ना अभियान संचालन, वडा नम्बर २ मे १९ ठो परिवारहे (अपाङगता रहल तथा एकल परिवार ओ विपन्न परिवारहे लक्षित करके विउ पुँजी कार्यक्रम अन्र्तगत छेगरी बच्चा डेहल रहे ।
ओस्टेक कैलारी गाउँपालिकाके आमा समुहहे ऋण तथा बचत तालिम, ४ ठो विद्यालयमे काउन्सिलिङ विद्यार्थीनहे तालिम प्रदान करल रहे ।
अनुगमन कार्यक्रममे गाउँपालिका अध्यक्ष राजसमझ चौधरी, प्रमुख प्रशासकीय अधिकृत खगेन्द्रराज जोशी, शिक्षा शाखा प्रमुख गणेश प्रसाद मिश्र, सामाजिक विकास शाखा प्रमुख यगम कलेल, योजना शाखा प्रमुख, सन्तोषक्ुमार चौधरी, नवजीवन सेवा संघके अध्यक्ष शंकर चन्द, कोषाध्यक्ष कृष्णकुमार विक, संघके कार्यक्रम व्यवस्थापक एकिन्द्र ठकुल्ला, फिल्ड संयोजक प्रमिन्द्र श्रेष्ठ, अनुगमन कैगिल सम्बन्धित विद्यालय व्यवस्थापन समितिके अध्यक्ष, प्रधानाध्यापक, शिक्षक अभिभावक संघके अध्यक्षलगायतके सहभागिता रहे ।
