आगलागीके घटनासे सचेत रना कैलारी गाउँपालिकाके आग्रह

पहुरा समाचाररदात
हसुलिया, २७ चैत । कैलारी गाउँपालिकासे आगलागीके घटनासे सचेत रना आग्रह कैगिल बा ।

गाउँपालिका अध्यक्ष राजसमझ चौधरी मंगरके रोज सार्वजनिक रुपमे सूचना जारी करटी गर्मीयाम शुरुवातसँगे अत्याधिक रुपमे चल्न हावाहुरी तथा जोरसे गर्मीके कारण आगलागीक घटना घटन सम्भावना हुइल ओरसे आगलागीसे बच्न सावधानीके उपाय अपनैना आग्रह करले बटै ।

ओस्टेक करके उहाँ वनजंगलमे डढेलो नैलगैना, गोहुँ बालीके कटानी पश्चात गोहुँ काटल खेतुवामे आगी नैलगैना, कुहीहे लगाई नैडेना उहाँ अपिल करले बटै । आगलागी हुइलेसे जनधनके हानी नौक्सानीसे अपने बँच्ना औरहे बचैनाफे अपिल कैगिल बा ।