ओम शान्ति सामुदायिक वनके १२ औ वार्षिक साधारण सभा

पहुरा समाचारदाता
पहलमानपुर, २७ चैत । कैलाली जिल्लाके भजनी न पा ९ पचमुडियामे रहल ओम शान्ति सामुदायिक वनके १२औं वार्षिक साधारण ओ सार्वजानिक सुनुवाई कार्यक्रम सम्पन्न हुइल बा ।

यी समुहके अध्यक्ष राजकुमार चौधरीके अध्यक्षतामे हुइल कार्यक्रममे वरका पहुना सवडिभिजन वन कार्यलाय पचमुडियाके वन रक्षक सुशिल चौधरी ओ विशिष्ट पहुना पचमुडियाके भल्मन्सा खोजराम चौधरी रहल रहिट ।

कार्यक्रममे धर्मेन्द्र बिष्ट, जीवनकुमार चौधरी शुभकामना मन्तव्य राखल रहिट । कार्यक्रममे १३ लाख ६ सय ७४ बराबर आयव्यव प्रस्तुत मनोज चौधरी करल रहिट । स्वागत मन्तव्य उपाभोक्ता देशराज चौधरी ओ संचालन उपभोक्ता फोनीराम चौधरी करल रहिट ।