नागरिकहे उद्यमशीलतामे जोरटी हेफर कार्यक्रम

पहुरा समाचारदाता
स्याङ्जा, २७ चैत । स्याङ्जाके वालिङ नगरपालिकामे सञ्चालित वालिङ कृषि विकास परियोजना नागरिकहे उद्यमशीलतामे जोरना सफल हुइल बा ।

नगरपालिका ओ हेफर प्रोजेक्ट नेपालके आर्थिक तथा प्राविधिक सहयोग ओ दियालो संस्थाके व्यवस्थापनमे सञ्चालन हुइटी रहल परियोजनासे साना किसानहे उद्यमशीलतामे जोरना सफल हुइल हो । नगरपालिकामे आयोजना करल परियोजना अनुगमन तथा समन्वय समितिके बैठक तथा छलफलमे क्रममे परियोजनाके क्रियाकलाप साना तथा महिला कृषक सम्म पुगल जानकारी कराइल हो ।

नगरपालिकाके एक हजार ६ सय घर परिवारहे उद्यामशीलतामे जोरना योजनासहित सुरु करल परियोजना अन्तर्गत अब्बेसम एक हजार तीन सय जाने घर परिवार आवद्ध हुसेकल परियोजनाके संयोजक राधाकृष्ण डुम्रे जानकारी डेलै ।
साना किसानके गोठ सुधार, छेगरीके नस्ल सुधार बेमौसमी तथा मौसमी तरकारी खेती ओ बजारीकरण लगायतके विषयमे काम करटी आइल बा ।

समीक्षा कार्यक्रममे वालिङ नगरपालिकाके प्रमुख कृष्ण खांण कार्यक्रम सुरु हुइल छोट अवधीमे उत्कृष्ट काम कैना सफल हुइल बटैलै । नागरिक समक्ष पुग्न कार्यक्रम हुइल ओरसे उद्यमशीलताके विकासमे सहयोगी हुइल बटैलै ।
साना किसानहे उत्पादनमे जोरे सेक्लेसे केल नागरिक आर्थिक रुपमे सबल ओ सक्षम हुइना नगरप्रमुख खांणके कहाई बा । पालिकासे टमान साझेदार संघसंस्थासँग मिलके आर्थिक रुपमे सवल बनैना काम करटी रहल प्रमुख खांण बटैलै ।

कार्यक्रममे बोल्न वडा अध्यक्षहुक्रे परियोजनाहे १४ वडामे बिस्तार कैना सुझाव डेले बटै । वडा नं. १ वडा अध्यक्ष तथा नगरप्रवक्ता पदमराज गुरुङ वडा तहके साना किसान तथा महिलाहे उद्यमशीलतामे जोरना सहयोगी हुइल बटैलै । उ अवसरमे वडा अध्यक्षहुक्रे पोतप्रसाद लम्साल, भीमबहादुर गुरुङ, छबिलाल आले, श्यामकृष्ण श्रेष्ठ, पाण्डुकुमार थापा लगायतसे महिलाहे उपार्जनमे जोरना कार्यक्रमसे महत्वपूर्ण भूमिका खेलल बटैलै । उहाँहुक्रे कार्यक्रमके प्रभावकारिता रहल कहटी १४ वडामे सञ्चालन करेपर्नामे जोर डेलै ।

कार्यक्रममे नगरउपप्रमुख कविता तिवारी गैह्रे, प्रमुख प्रशासकीय अधिकृत गंगालाल सुवेदी, टमान वडाके वडा अध्यक्ष लगायतसे कार्यक्रमके बारेमे बोलल रहिट । छलफलमे कार्यपालिका सदस्य, टमान शाखाके प्रमुख लगायतके उपस्थिति रहल रहे ।

उ अवसरमे चालु आर्थिक बर्ष २०८१÷८२ के फागुन सममे करल क्रियाकलापके बारेमे जानकारी कराइल परियोजनाके संयोजक राधाकृष्ण डुम्रे जानकारी डेलै ।