जनजागृति सामुदायिक वनसे अग्नीरेखा सरसफाई

जीवनकुमार चौधरी
पहलमानपुर, २७ चैत । कैलालीके घोडाघोडी नगरपालिका वडा नम्बर १० झिरोखामे रहल जनजागृति सामुदायिक वन उपभोक्ता समुहसे वनुवाहे लुक्रीसे बचाइक लाग अग्नीरेखा सरसफाई करले बा ।

चैत बैशाखके बेला बनुवामे आगी लग्ना ओ उहीसे रुखुवा बरिखवा, महत्वपूर्ण जडीबुटि जरके नाश हुइना ओरसे उहीहे बचाइक लाग अग्नीरेखा सरसफाई करल समुहके अध्यक्ष आशाराम चौधरी बटैलै ।

उ सामुदायिक वनके १५७.४४ हेक्टर वनक्षेत्रमे अग्नीरेखा ६ किलोमिटरमे बनाइल उहाँ बटैलै । उ सामुदायिक वनमे संरक्षित क्षेत्र १४१.४४ हेक्टर रहल बा ।

उहाँ कहलै, गर्मीयाममे लुक्री लागेबेर अग्नीरेखा सक्कु ओर फैल्ना बचाइठ । हमार सामुदायिक वनके आगी नालागे कहटी हमे्र घुम्टी टोली बनैले बटी ।