सर्वोदय माविके सर्वोत्कृष्ट नतिजा
पहुरा समाचारदाता
धनगढी, २७ चैत । धनगढी उपमहानगरपालिका वडा नम्बर १४ स्थित श्री सर्वोदय माध्यमिक विद्यालय सर्वोत्कृष्ट नतिजा लन्ले बावै ।
धनगढी उपमहानगरपालिका स्तरिय आधरभुत तह कक्षा ८ के परीक्षामे सर्वोत्कउष्ट नतिजा लानल हो । विद्यालयसे ९५.१६ प्रतिशत नतिजा लानके सामुदायिक विद्यालय ओर सर्वोत्कृष्ट हुइल प्रधानाध्यापक धर्मानन्द्य अवस्थी जानकारी डेले ।
विद्यालयसे कक्षा ८ के परिक्षामे सहभागी ६२ जाने विद्यार्थी मध्ये ५९ जाने ३ जिपीएसे ढेर, एक जाने २.९४ ओ २ जाने मौका परिक्षा पाइल उहाँ बटैलै ।
उपमहानगरपालिकासे यी बरस सञ्चालन करल आधारभूत तह कक्षा ८ के परीक्षाके नतिजामे सुधार हुइल जनैले बा । बुधके रोज उपमहानगरपालिकासे सार्वजनिक करल शैक्षिकसत्र २०८१ के नतिजा गत बरस ओ आघेक बरसके तुलनामे सुधार हुइल नगरप्रमुख गोपाल हमाल बटैलै ।
शैक्षिकसत्र २०७९ मे धनगढीके ४४ सामुदायिक विद्यालयके कक्षा ८ मे जम्मा ९ दशमलव ४७ प्रतिशत विद्यार्थी पास हुइल रहिट । ओस्टके, गत शैक्षिकसत्र २०८० मे सामुदायिक विद्यालय तर्फ कक्षा ८ के ३० दशमलव ७९ प्रतिशत विद्यार्थी उत्तीर्ण हुइलमे यी बरस थप सुधार होके कुल परीक्षार्थीके ४२ दशमलव १० प्रतिशत विद्यार्थी उत्तीर्ण हुइल युवा, खेलकुद तथा शिक्षा महाशाखा जनैले बावै ।
महाशाखासे प्रकाशित करल नतिजामे यी शैक्षिकसत्रमे ४४ सामुदायिक विद्यालयसे दुई हजार ९२९ विद्यार्थी परीक्षामे सहभागी हुइलमे एक हजार २३३ जाने पास हुइल बाटै ।
