लागुऔषधसहित चार जाने पक्राउ
पहुरा समाचारदाता
धनगढी, ५ बैशाख । गेटा आँखा अस्पताल बाजुराके मार्तडी शाखाके प्रमुख नेत्र सहायक अंकित कुमार निगम बानिया लागुऔषधसहित पक्राउ परल बटै ।
आँखा अस्पतालके मार्तडी शाखा प्रमुख बानियाहे जिल्ला प्रहरी कार्यालयके टोली शुकके दुपहर धनगढीके राजपुरसे लागुऔषध खैरो हेरोईनसहित पक्राउ करल हो ।
जिल्ला प्रहरी कार्यालयके प्रवक्ता प्रहरी नायब उपरीक्षक(डीएसपी) कबिन्द्र सिंह बोहरा नवलपरासीके पालिनन्दन गाउँपालिका–४ के २८ वर्षीय बानिया ओ त्रिणेवी नगरपालिका–८ बैठना २५ वर्षीय मेकेन्द्र गिरीहे लागुऔषध खैरो हेरोईनसहित पक्राउ करल जानकारी डेलै ।
धनगढी उपमहानगरपालिका–१३ राजपुरमे बानियासे चलाइल लुप्रप्र ०१००१प९२७८ नम्बरके मोटरसाइकल चेकजाँच करेबेर पाछे सवार गिरीसे बोकल झोलाभिटर धारल अवस्थामे प्लाष्टिकसहित १० ग्राम ओ प्लाष्टिक बाहेक ८ ग्राम ८० मिलीग्राम खैरो हेरोईन बरामद करल डीएसपी बोहरा बटैलै ।
दुनु जनहनहे जिल्ला प्रहरी कार्यालयसे नियन्त्रणमे लेके थप अनुसन्धान करटी रहल जनाइल बा ।
ओस्टेक करके विफेक रोज लागु औषधसहित दुई जनहनहे पक्राउ करल रहे । कैलाली धनगढी उप–महानगरपालिका वडा न. २ ब्यारेलसे वडा प्रहरी कार्यालय धनगढी कैलाली, प्रहरी चौकी त्रिनगर कैलाली ओ लागु औषध नियन्त्रण ब्यूरो शाखा कार्यालय धनगढीसे खटल संयुक्त प्रहरी टोली सु.प.प्र.०१०१० प ८९४८ नं.के मोटरसाईकलमे सवार जिल्ला कैलाली धनगढी उ.म.न.पा.– ७ बैठना बर्ष ३० के अभिषेक शाह ओ कैलारी गा.पा.–७ बैठना बर्ष ४२ के श्यामबहादुर चौधरीहे १ ग्राम ८५० मिलिग्राम लागु औषध खैरो हिरोइनसहित नियन्त्रणमे लेके अनुसन्धान कैटी रहल प्रहरी जनैले बा ।
