पावर टिलर मर्मत तालिमके अनुगमन

पहुरा समाचारदाता
हसुलिया, ९ बैशाख । कैलारी गाउँपालिका वडा नम्बर १ हसुलियामे हुइटी एक महिने पावर टिलर मर्मत तालिमके अनुगमन कैगिल बा ।

सिप सिकौ, आत्मनिर्भर बनौ कना मुल नाराके साथ अध्यक्ष स्वरोजगार कार्यक्रम अन्र्तगत कैलारी गाउँपालिकाके सहयोग तथा कैलाली एकिकृत उत्थान कार्य सञ्जाल नेपाल (किरण नेपाल)के आयोजनामे चैत १२ गतेसे बैशाख १२ गतेसमके लाग एक महिने तालिमके गाउँपालिका स्तरीय अनुगमन समितिके संयोजक भगवतीकुमारी चौधरीके संयोजकत्वमे सोम्मारके रोज स्थलगत अनुगमन कैगिल हो ।

अब्बे घर घर पावर टिलर रहल मने विगरेबेर प्राविधिक नैमिल्ना ओरसे प्राविधिक जनशक्ति उत्पादन करटी वेरोजगार यूवाहे रोजगारी सृजना करेक लाग पावर टिलर मर्मत तालिमके आयोजना करल किरण नेपालके अध्यक्ष अमृतचन्द्र चौधरी बटैलै । अनुगमन कार्यक्रममे समितिके संयोजक तथा गाउँपालिका उपाध्यक्ष भगवतीकुमारी चौधरी, वडा नम्बर ६ के वडा अध्यक्ष प्रेमबहादुर चौधरी, योजना शाखा प्रमुख सन्तोषकुमार चौधरी, समितिके सदस्यहुक्रे, किरण नेपालके प्रतिनिधिहुकनके सहभागिता रहे । तालिममे सक्कु वडासे दुई÷दुई जानेक सहभागिता रहल बा ।