घोडताल कृषि सहकारीके सातौं बार्षिक साधारण सभा

पहुरा समाचारदाता
पहलमानपुर, ११ वैशाख । कैलालीके भजनी नगरपालिका ९ पचमुडियामे रहल घोडताल कृषि सहकारी सस्था लिमिटेडके सातौं बाषिक साधारण सभा तथा वार्षिकोत्सव समारोह बुधके रोज निम्जल बा ।

सहकारीके अध्यक्ष मिहिलाल चौधरीके अध्यक्षतामे हुइल कार्यक्रममे वरका पहुना सुदूरपश्चिम प्रदेशके उप–सभामुख कोइलीदेवी चौधरी रहल रहिट । सहकारीमे बाल बचत कर्ना कहटी सक्कु सहकारी नियमावलीके आधारमे बह्रे पर्ना बटैली ।
वनदेवी कृषि सहकारी संस्था लिमिटेडके अध्यक्ष इच्छा चौधरी नीति नियममे रहिके आघे बह्रे पर्ना बटैली ।

नेकपा एमाले जिल्ला कमिटी सदस्य लक्ष्मी केसी घोडताल सहकारी सल्लाहकार टीकाराम चौधरी चारुओरसे बिच्चे रहल कारण मर्कामे परल बटैलै ।

भजनी नगरपालिका–९ वडा महिला सदस्य शोभा चौधरी आय व्यय प्रस्तुत व्यवस्थापक लायकराम चौधरी १ करोड ९ लाख ३२ हजार ५९ रुप्या ३२ पैसा स्वागत घोडताल सहकारी प्रमुख सल्लाहकार देशराज चौधरी संचालन सहकारी सदस्य वीरबहादुर चौधरी करल रहिट ।