कैलारीमे १० बर्षे शिक्षा योजना निर्माण कैना

पहुरा समाचारदाता
हसुलिया, १३ बैशाख । कैलाली जिल्लाके कैलारी गाउँपालिकामे गुणस्तरीय सिकाईके लाग १० बर्षे विद्यालय शिक्षा क्षेत्र योजना बनाइक लाग छलफल कैगिल बा ।

यूरोपियन यूनियन, यूनिसेफके आर्थिक सहयोग, सामुदायिक सिकाई केन्द्र (सिडिसी) डोटीके प्राविधिक सहयोग ओ कैलारी गाउँपालिका शिक्षा शाखाके समन्वयमे २०८२ से २०९२ समके लाग स्थानीय शिक्षा क्षेत्र योजना तथा बजेट निर्माणमे स्थानीय सरकारके क्षमता अभिवृद्धि ओ सुझाव संकलन कैगिल बा ।

गाउँपालिका उपाध्यक्ष भगवतीकुमारी चौधरी शैक्षिक सुधारके लाग १० बर्षे स्थानीय शिक्षा क्षेत्र योजना ल्याने पर्ना जरुरी रहल बटैली । भौतिक पूर्वाधार जस्टे शिक्षा जैसिन चिज तुरुन्ते डेखा नैपरठ,’ उहाँ कहली, ‘ यिहीहे सुधार करेक लाग नम्मा समय लाग १० बर्षे विद्यालय सुधार योजना ल्यानलेसे प्रत्येक बर्ष कैना योजना बनाके आघे बह्रना जरुरी बा ।’

उपाध्यक्ष कहली, ‘संविधानके अनुसुचि ८ से माध्यमिक तहसमके शिक्षा व्यवस्थापनके अधिकार ओ दायित्व स्थानीय तहहे डेहल वर्तमान सन्दर्भमे यी योजना निर्माण करेबेर अइना १० वर्षमे माध्यमिक तहसमके शिक्षा कैसिक व्यवस्थापन हुइना ओ विकास कैजाई कना विषय यी योजनाके उद्देश्य हो । जौन उद्देश्यके साथ हम्रे यी योजना निर्माणमे लागल हुई ।’

यी योजनाके सफल कार्यान्वयनके लाग गाँउपालिकाके ऐक्केली प्रयास अपुगफे हुई सेकठ यकर लाग सक्कु विद्यालय परिवार ,शिक्षक, अभिभावक, विद्यार्थी लगायत सरोकारवालाके अइना दिनमे थप सहयोग ओ योगदान हुई पर्ना जरुरी बा ।
योजना अपनमे अग्रगामी दिशा निर्देश करी । प्राविधिक दस्तावेज रहल कारण निर्माण हुइल योजनाके मुर्त प्रतिफलके लाग इमान्दारिताके साथ समयानुसार शंसोधनसहित कार्यान्वयनमे लैजैना परी जेकर लाग कैलारी गाँउपालिका कटिवद्ध ओ इमान्दार कुके लग्ना जरुरी रहल उहाँ कहली ।

सामुदायिक सिकाई केन्द्र (सिडिसी) डोटीके शिक्षा अधिकृत पदमा खत्री १० बर्षे विद्यालय योजनाबारे प्रस्तुतीकरण करल रही । जेकर परिच्छेद १ मे वर्तमान अवस्था, मुख्य समस्या तथा चुनौतीके विश्लेषण करल बा । परिच्छेद २ मे दूरदृष्टि, उद्देश्य, रणनीति तथा लक्ष्य निर्धारण विषय बस्तुमे स्थानीय तहमे शिक्षा योजना निर्माण करेबेर लेहे पर्ना आधार रहल बा । जेम्ने दूरदृष्टि, लक्ष्य, उद्देश्य, रणनीति, कार्यनीति, अपेक्षित उपलब्धी, मुख्य कार्यसम्पादन सूचक रलक्ष्य निर्धारण, लक्ष्य निर्धारण करल बा ।

परिच्छेद ३ मे शिक्षाके मुख्य उपक्षेत्र विषय बस्तु समेटल बा । जेम्ने प्रारम्भिक वालविकास ओ शिक्षा, आधारभूत शिक्षा, माध्यमिक शिक्षा, प्राविधिक शिक्षा तथा व्यवसायिक तालिम, अनौपचारिक शिक्षा ओ आजीवन सिकाइ रहल बा ।
परिच्छेद ४ मे अन्तरसम्बन्धित विषय तथा क्षेत्र विषय बस्तु समेटल बा । ओम्ने पाठ्यक्रम, पाठ्यपुस्तक, सिकाइ सामग्री तथा मूल्याङकन, शिक्षक व्यवस्थापन ओ विकास, शैक्षिक समता ओ समावेशीकरण, विद्यालय पोषण तथा स्वास्थ्य कार्यक्रम, विद्यालय सुरक्षा, विपद न्यूनीकरण तथा उत्थानशीलता, विद्यालय भौतिक पूर्वाधार विकास, विद्यालयमे सूचना तथा सञ्चार प्रविधि रहल बा ।

परिच्छेद ५ मे अन्य उपक्षेत्र समेटल बा । जेम्ने उच्च शिक्षाके प्रवन्ध, मातृभाषामे शिक्षा, सार्वजनिक पुस्तकालय, नैतिक शिक्षाफे समावेश कैना कहल बा ।

परिच्छेद ६ मे सुशासन तथा व्यवस्थापन विषय बस्तु समेटल बा । जेम्ने शिक्षाके व्यवस्थापन तथा संस्थागत क्षमता विकास, स्थानीय शिक्षा योजना कार्यान्वयनके प्रवन्ध कैना कहल बा ।

परिच्छेद ७ मे लगानी ओ श्रोत व्यवस्थापन विषय बस्तु समेटल बा । ओम्ने वर्तमान अवस्था, उद्देश्य, रणनीति, प्रमुख उपलब्धी
प्रमुख क्रियाकलाप ओ लक्ष्य, योजनाके वार्षिक वजेट तर्जुमा प्रक्रिया, योजना कार्यान्वयनके लाग वार्षिक रणनीति कार्यान्वयन योजना निर्माण तथा कार्यान्वयन कैना कहल बा ।

परिच्छेद ८ मे अनुगमन तथा मूल्याङकनके विषय बस्तु समेटल बा । जेम्ने वर्तमान अवस्था, उद्देश्य, रणनीति, प्रमुख उपलब्धी तथा नतिजा, प्रमुख क्रियाकलाप ओ परिमाणात्मक लक्ष्य लेहल बा ।

ओस्टेक करके सन्दर्भ सामग्रीके अनुसूची १ मे स्थानीय शिक्षा योजनाके ढाँचा, २ मे विद्यालय शिक्षामे विद्यमान समस्या, ओकर कारण ओ असरके कुछ उदाहरण डेखाइल नमूना समस्या वृक्ष, ३ मे विद्यालयमे प्रारम्भिक बालविकास शिक्षाके क्षेत्रमे रहल सवल पक्ष, कमजोरी, अवसर ओ चुनौतीके कुछ उदाहरण डेखाइल एसडब्लुओटी विश्लेषण नमूना, ४ शिक्षासंग सम्बन्धित ऐन, नियम, निर्देशिका लगायतके नीतिगत दस्तावेजके सूची रहल सिडिसी डोटीके शिक्षा अधिकृत खत्री जनैली ।

१० बर्षे विद्यालय शिक्षा क्षेत्र योजना बनाइक लाग छलफलमे सिडिसी डोटीके अनुगमन अधिकृत भागरथी जोशी, लक्ष्मी मावि पृथ्वीपुरके शिक्षिका मिना बोहरालगायत सहजीकरण करल रहिट ।

कैलारी गाउँपालिकाके सामाजिक विकास शाखा प्रमुख तथा सूचना अधिकारी यगम कलेल १० बर्षे शिक्षा योजनाके परिच्छेद ओ अनुसुचीमे थप छलफल करके कार्यपालिकामे लैजैना ओ गाउँसभासे पास कैना बटैलै । शिक्षा योजना छलफलमे शिक्षा समितिके सदस्य, वडा अध्यक्ष, कार्यपालिका सदस्य, विषयगत शाखाके प्रमुखहुक्रे सुझाव ओ सल्लाह डेहल रहिट ।