वन डढेलो नियन्त्रण ओ वन व्यवस्थापन सम्बन्धी गोष्ठी
पहुरा |
१८ बैशाख २०८२, बिहीबार
पहुरा समाचारदाता
भजनी, १८ बैशाख । कैलालीके भजनी नगरपालिका–१ गौनाहियामे रहल पशुपति सामुदायिक वन भवनमे वन डढेलो नियन्त्रण ओ वन व्यवस्थापन सम्बन्धी गोष्ठी निम्जल बा ।
डिभिजन वन कार्यलय पहलमानपुरके आयोजनामे हुइल कार्यक्रममे घर गोसिया सव डिभिजन वन कार्यलाय भजनी अधिकृत लाल बहादुर विक रहल रहिट । कार्यक्रममे उहाँ वनुवामे आगी लग्नासे जीवजन्तु, अमुल्य जडिबुटी, बोटविरुवा नष्ट हुइना ओरसे यी चिजहे बचाइक लाग आगी प्रति सचेत हुइपर्ना बटैलै ।
डिभिजन वन कार्यलय पहलमनपुर वन अधिकृत रामसुन्दर कँडेल वनुवाके महत्वसंग वन डढेलोके महत्व बह्रल ओ डढेलोके कारण अक्सिजनमे कमी हुइटी रहल बटैलै । उहाँ आगलागीके सचेत बनाइक लाग पत्रपत्रिका, संचारमाध्यममे जनचेतना मुलक सन्देश डेहे पर्नाफे बटैलै । कार्यक्रमके संचालन वन रक्षक प्रकाश विक करल रहिट ।
