भादामे प्रदेश स्तरीय होमस्टे मेला महोत्सव सुरु
पहुरा समाचारदाता
धनगढी, १८ बैशाख । कैलाली जिल्लाके धनगढी उपमहानगरपालिका–१६ स्थित भादामे प्रदेश स्तरीय होमस्टे मेला महोत्सव सुरु हुइल बा ।
थारु होमस्टे गाउँ भादा पर्यटन विकास तथा व्यवस्थापन समितिके आयोजना ओ होमस्टे (घरबास) महासंघ नेपाल सुदूरपश्चिम प्रदेश कार्यसमिति धनगढी, कैलालीके समन्वय तथा सहकार्यमे हुइटी रहल होमस्टे मेला महोत्सवके उदघाटन सुदूरपश्चिम प्रदेश सरकारके प्रदेश प्रमुख नजिर मियाँ करल रहिट ।
कार्यक्रममे विशिष्ट पहुना प्रदेश सरकार उपसभामुख कोइली देवी चौधरी, प्रदेश सभा सदस्य तुल्सी देवकोटा, रक्षा महरा, लक्ष्मी विक, प्रदेश पर्यटन विकास कार्यक्रम कार्यान्वयन इकाई प्रमुख डबल बहादुर बोहरालगायत रहल रहिट ।
थारु होमस्टे गाउँ भादा पर्यटन विकास तथा व्यवस्थापन समितिके अध्यक्ष सुदूरपश्चिम प्रदेश इन्चार्ज लक्ष्मीनारायण चौधरीके अध्यक्षतामे हुइल कार्यक्रममे स्वागत मन्तव्य चेतराम चौधरी ओ संचालन होमस्टे (घरबास) महासंघ नेपाल सुदूरपश्चिम प्रदेश कार्यसमिति अध्यक्ष दिनेश दहित करल रहिट । प्रदेश स्तरीय होमस्टे मेला महोत्सव बैशाख २१ गतेसम संचालन रना बा ।
