धनगढीमे बाँझोपन निवारण स्वास्थ्य शिविरसे १८० जे सेवा लेलै

पहुरा समाचारदाता
धनगढी, २७ जेठ । धनगढी उपमहानगरपालिकाके आयोजनामे बाँझोपन सम्बन्धी स्वास्थ्य शिविरमे १८० जाने उपचार तथा परामर्श सेवा लेले बटै ।

धनगढी उपमहानगरपालिका ओ प्यासिफिक आइभिएफ सेन्टर ललितपुरके समन्वयमे जेठ २३ गतेसे २५ गतेसम हुइल निशुल्क शिविर ओइने सेवा लेहल हुइट ।

उ शिविरमे निःशुल्क वीर्य परीक्षण, ट्रान्सभजाइनल सोनोग्राफी कैनाके साथे बाँझोपनके उपयुक्त उपचारके बिधिबारे जानकारी ओ परामर्श सेवा प्रदान करल स्वास्थ्य शाखा प्रमुख जगदीश अवस्थी बटैलै ।

धनगढी १३ के बहुउद्देश्यीय भवनमे सञ्चालित शिविरसे ९० जाने दम्पती निस्शुल्क उपचार तथा परामर्श सेवा लेहल उहाँ बटैलै ।