सुदूरपश्चिममे पहिलचो ‘सिनेमा संवाद’
पहुरा समाचारदाता
धनगढी, ३१ जेठ । सुदूरपश्चिम प्रदेशमे पहिलचो शनिच्चरके रोज धनगढीमे ‘सिनेमा संवाद’ कार्यक्रम हुइल बा । जेडी एसोसियट्सके आयोजना ओ चलचित्र पत्रकार संघ नेपाल सुदूरपश्चिमके सहकार्यमे कार्यक्रम हुइल हो ।
कार्यक्रममे चलचित्र निर्माण, सन्देश, सामाजिक प्रभाव, बजारके चुनौती तथा सिनेमा ओ समाजबीचके सम्बन्धबारे छलफल हुइल बा । कार्यक्रममे चलचित्रकर्मी, दर्शक, विद्यार्थी, पत्रकार ओ कलाकारके सहभागिता रहे ।
डोटी जोरायल गाउँपालिका अध्यक्ष दुर्गादत्त ओझाके अध्यक्षतामे हुइल कार्यक्रम चलचित्र पत्रकार संघ नेपाल सुदूरपश्चिमके अध्यक्ष पुष्पराज जोशीके अध्यक्षतामे हुइल रहे ।
जेडी एसोसियट्सके प्रबन्ध निर्देशक दिनेश भण्डारी कार्यक्रमसे स्थानीय प्रतिभाहे प्रोत्साहन करना, सुदूरपश्चिमके पर्यटन प्रवद्र्धनमे टेवा पुगैना ओ नेपाली सिनेमा तथा संस्कृति विस्तारमे भूमिका खेल्ना विश्वास व्यक्त करले रहैं ।
कार्यक्रममे अभिनेता दिव्यदेव पन्त, पुष्प खड्का, अभिनेत्री सुरक्षा पन्त, उपासना सिंह ठकुरीलगायत कलाकारहुकनके उपस्थिति रहे ।
कार्यक्रममे चलचित्र पत्रकार संघ नेपालके केन्द्रीय अध्यक्ष समीर बलामी, गीतकार हर्क साउँद, डा. जितु उपाध्यायलगायत मन्तव्य व्यक्त करले रहैं । उ अवसरमे सुदूरपश्चिम प्रदेशके टमान सास्कृतिक झाँकी फेन प्रस्तुत करल रहे ।
