हुन्डाई नेपालसे धनगढीमे क्रेटा इभी सार्वजनिक
पहुरा समाचारदाता
धनगढी, १२ असार । नेपालमे हुन्डाई सवारी साधनके आधिकारिक वितरक लक्ष्मी इन्टरकन्टिनेन्टल प्रालिसे धनगढीमे नयाँ क्रेटा इभी सार्वजनिक करटी विशेष अन्तरक्रिया कार्यक्रम सम्पन्न करले बा ।
कार्यक्रममे व्यापक सहभागिता ओ उत्साहजनक प्रतिक्रिया प्राप्त हुइल बा । ग्राहकहे प्रदान करटी आइल उच्च गुणस्तरीय सेवा, उत्कृष्ट मूल्यमे विश्वसनीय गाडी ओ देशभर फैलल व्यापक नेटवर्कके कारण हुन्डाई नेपालसे सक्कु उपभोक्ताके मन जित्टी अपनहे नेपालके उत्कृष्ट अटो ब्रान्डके रुपमे स्थापित करसेकल लक्ष्मी इन्टरकन्टिनेन्टल जनैले बा ।
कम्पनीके अनुसार नयाँ क्रेटा इभीके आगमनसे विद्युतीय सवारीबारे दुबिधा हुइल ग्राहकहे स्पष्ट निर्णय लेना सहजुल बनैना बा । ढेरहे इभी खरिद करेबेर स्पेयर पाट्र्सके उपलब्धता, सेवा शुल्क ओ दीर्घकालीन ब्रान्ड सपोर्टके विषयमे शंका हुइना करल कम्पनी जनैले बा ।
मने हुन्डाई नेपालसे देशमे क्रेटा आइसिई, पेट्रोल मोडलके निर्माण कार्य सुरु करसेकल ओ क्रेटा इभी तथा आइसिई, दुनु मोडलमे एक्के प्लेटफर्म प्रयोग हुइना ओरसे गाडी खरिद पाछेक सेवा सुविधामे आब कौनोफे समस्या नैहुइना जनैले बा । साथे लक्ष्मी हुन्डाईसे इभी इकोसिस्टमहे अभिन मजबुत बनैना रि–लक्स चार्जिङ्गके नेटवर्क विस्तार करटी बा । जौन अन्तर्गत अब्बे देश भरके टमान ठाउँमे रि–लक्स डीसी ओ एसी करके ६६ चार्जर सुचारु हुसेकल बा ।
यिहीसे ग्राहकहे हुन्डाईके पेट्रोल (आइसिई) ओ इभी कौनोफे गाडी खरिद करेबेर सेवा, पाट्र्स ओ सपोटमे कौनो मेरिक कमी नैहुुइना दाबी कम्पनीसे करले बा । नेपालभर यी सन्देश फैलैना कम्पनीके उच्च व्यवस्थापन टोली देशके टमान सहरमे डिलरसंग प्रत्यक्ष भेटघाट करटी रहल बा । उहे अभियान अन्तर्गत कम्पनीसे ११ असारमे दिनेश फोर हुईल्स् प्रा.लि (हुन्डाईके आधिकारिक डिलर) के आयोजनामे होटल फ्लोरा, छटकपुर, धनगढीमे आयोजित विशेष भेटघाट कार्यक्रममे नयाँ क्रेटा इभी सार्वजनिक करल रहे । जहाँ क्रेटा इभी सहित हुन्डाईके और नयाँ मोडलफे प्रदर्शन कैगिल बा ।
यी कार्यक्रममे ग्राहक वर्गके हुन्डाईप्रति उत्साहजनक क्रेज ओ विश्वास उल्लेखनीय रुपमे डेखल बा । प्रतिक्रिया ओ सहभागिता उल्लेखनीय रुपमे रहल । कम्पनीके प्रतिनिधिसे कार्यक्रमके सहभागीसंग प्रत्यक्ष संवाद करटी हुन्डाई गाडी सम्बन्धी विस्तृत जानकारी ओ आवश्यक सहयोग प्रदान करल रहिट ।
लक्ष्मी इन्टरकन्टिनेन्टल प्रा. लि. अन्तरगत दिनेश फोर हुईल्स् प्रा.लि धनगढीके संयुक्त आयोजनामे हुइल कार्यक्रममे सहभागी हुइल सक्कुहुनप्रति हार्दिक आभार प्रकट करले बटी । कम्पनीसे राष्ट्रके सफा ओ स्मार्ट भविष्यतर्फके यात्राहे आघे बह्र्रैटी देशभर रहल अपन ग्राहकहुकनसंगके सम्बन्धहे थप बल्गर बनैना अठोट व्यक्त करले बा ।
