९ जाने फरार प्रतिवादी पक्राउ
पहुरा |
१९ असार २०८२, बिहीबार
पहुरा समाचारदाता
धनगढी, १९ असार । जिल्ला प्रहरी कार्यालय कैलाली ओ वडा प्रहरी कार्यालय धनगढीसे खटके गैल संयुक्त प्रहरी टोलीसे चालु मुद्दाके १ ओ फैसला कार्यान्वयनके ८ करके जम्मा ९ जाने फरार प्रतिवादी पक्राउ करले बा ।
जिल्ला अदालत कैलालीसे टमान मितिके फैसलासे रु. ८२ हजार जरिवाना हुइल टमान मुद्दाके ८ जाने फरार प्रतिवादीहुकनहे कैलालीके टमान ठाउँसे पक्राउ करके जिल्ला अदालत कैलालीमे दाखिला करल जिल्ला प्रहरी कार्यालय कैलालीके प्रवक्ता राजकुमार सिंह जनैलै ।
चेक अनादर (चालु) मुद्दामे फरार रहल १ जनहनहे समेत पक्राउ करके जिल्ला अदालत कैलालीसे ७ दिनके म्याद थप कराके जिल्ला प्रहरी कार्यालयके हिरासतमे धारके थप अनुसन्धान कार्य कैटी रहल प्रवक्ता सिंह बटैलै ।
