कृषिके बजेट बृद्धि नैहुके कृषि क्षेत्र समस्यामेः कृषि मन्त्री थापा
पहुरा समाचारदाता
धनगढी, १९ असार । सुदूरपश्चिम प्रदेश सरकारके भूमि व्यवस्था, कृषि तथा सहकारी मन्त्री वीरबहादुर थापा कृषिके बजेट बृद्धि नैहुइटसम कृषि क्षेत्रके समस्या हल नैहुइना बटैले बटै ।
भूमि व्यवस्था, कृषि तथा सहकारी मन्त्रालयके सहयोगमे भूमिराज मिडिया नेपाल प्रालि धनगढीसे कैलालीके सफल कृषकहुक्रे अबलम्वन करल असल अभ्यासबारे मिडिया सम्बाद कार्यक्रममे मन्त्री थापा उ बाट बत्वाइल रहिट । मन्त्री थापा कहलै, ‘कृषि क्षेत्रमे प्रदेश सरकारसे टमान कार्यक्रम करटी आइल बा । मने कृषिके बजेट बृद्धि नैहुइटसम कृषि क्षेत्रके समस्या हल नैहुई ।
उहाँ कहलै ‘सुदूरपश्चिममे ८४ प्रतिशत मनै कृषिमे आवद्ध बटै, कृषिहे जैसिक सैद्धान्तिक रुपमे बुझल बटी । उहीहे व्यवहारमेफे लागु करेपर्ना रहठ । कृषि क्षेत्रहे बुझ्न तरिकाबारे छलफल करे पर्ना जरुरी बा ।
मन्त्री थापा कमिसनमे बजेट बँटना परिपाटीके अन्त्य करल बटैलै । मन्त्री थापा कृषि मन्त्रालयउप्पर विगत ७ वर्षसे कमिसनमे योजना पारके बजेट बाँटटी आइल ओ बजेटमे भारी असमानता हुइना करल आरोप अन्त्य करके अगामी आर्थिक वर्षके वार्षिक कार्यक्रम ल्यानल बटैलै ।
विचौलियामार्फत कमिसनमे योजना पर्ना ओ मन्त्रीके निर्वाचन क्षेत्र केन्द्रीत बजेट ल्यन्ना आलोलित धारण चिरल बटैलै । उहाँ अपने मन्त्री ह्ुइलपाछे प्रदेशके सक्कु जिल्ला पुगके किसान, स्थानीय जनप्रतिनिधि ओ सरोकारवाला पक्षसंग छलफल करेबेर कृषि मन्त्रालयसे विचौलिया प्रयोग करके कमिसनमे बजेट बाटठ कना धारणा पाइल मने अब्बे उ अन्त्य हुइल बटैलै ।
‘७ वर्षसे मन्त्रालयप्रति यी आघेक धारणा आलोचित रहे । ९ जिल्लामे बैठके किसान जनप्रतिनिधिसँग छलफल करनु जहाँफे विचौलियाके प्रयोग कमिशनमे बजेट बाटठ कना रहे,’ थापा कहलै, ‘दुसर बाट बजेटमे असमानता ओ विभेद रहठ । कना लागल मने यी वर्ष भर दुनु बाट शून्यमे झारल बा । आरोप चिर्न सफल हुइल बटी ।’
उहाँ दुनु आरोपहे पूर्ण रुपमे चिरटी प्राथमिकताके आधारमे सक्कु जिल्ला ओ प्रदेशके ८८ स्थानीय तहमे समान ढंगसे बजेट विनियोजन करल, बजेटमे विचौलियाके चलखेलहे शून्यमे ल्यानल बटैलै ।
प्रदेश सभामे अगामी वर्षके बजेटउप्पर ३५ जाने प्रदेश सभा सदस्यसे धारणा राखलमे दुई जाने केल्ह कृषि मन्त्रालयके बजेटउप्पर समान्य खालके प्रश्न उठाइल बटैटी उहाँ ३३ जानेसे समर्थन कैना ओकर महत्वपूर्ण प्रमाण रहल कहलै ।
कार्यक्रममे कृषि ज्ञान केन्द्र कैलालीके प्रमुख टेकबहादुर बिष्ट ज्ञान केन्द्रसे े जिल्लामे करटी रहल कृषि सम्बन्धी गतिविधिके बारेमे प्रस्तुतीकरण राखल रहिट । उहाँ कृषि क्षेत्रके प्रबद्र्धनके लाग ज्ञान केन्द्रसे बसन्ते मकै, टिना खेती, मौरी विकास, चैते धान, थारु आलु, सुन्तला विकास लगायतके कार्यक्रम करटी आइल बटैलै ।
ओस्टे ज्ञान केन्द्रसे कृषकहुकनहे ५० प्रतिशत अनुदानमे स्यालो ट्युवेल, पावर टिलर, मधघार उपलब्ध करैटी आइल उहाँ बटैलै । ओस्टे कार्यक्रममे भूमि व्यवस्था, कृषि तथा सहकारी मन्त्रीके नीजि सचिव शंकर बोगटी मन्त्रालयसे कृषि क्षेत्रमे करटी रहल कामके बारेमे प्रस्तुतीकरण करल रहिट ।
कार्यक्रममे बेम्टी खेती करटी आइल कैलालीके गोदावरी नगरपालिका–३ के डिल्लीराज जोशी नेपाल कृषि क्षेत्रमे सम्भावना रहल बटैटी यम्ने सरकारसे तदारुकता डेखाई पर्ना बटैलै ।
घोडाघोडी नगरपालिका–४ के किसान मानबहादुर चौधरी भारी उपकरणके अभावके कारण सोचल जस्टे काम करे नैसेकल बटैलै । गोदावरी नगरपालिका–८ के किसान मनोज चौधरी उत्पादित वस्तु बजारभाउ नैपाके किसान मर्कामे परल बटैलै । ओस्टे उहाँ प्राङ्गारिक मलमे जोड डेहेपर्ना बटैलै ।
भूमि व्यवस्था कृषि तथा सहकारी मन्त्रालयके निमित्त सचिव टेकेन्द्र कुश्मी कार्यक्रममे उठल प्रश्नके जवाफ डेहल रहिट । भूमिराज मिडिया नेपाल प्रालिके अध्यक्ष जनक बिष्टके अध्यक्षतामे हुइल कार्यक्रममे सञ्चारकर्मी, किसान, विद्यार्थीलगायत सरोकारवालके उपस्थिति रहे ।
