२२ लाखके सामान नियन्त्रण
पहुरा समाचारदाता
धनगढी, ३ सावन । कैलाली ओ कञ्चनपुरके टमान ठाउँसे प्रहरी २२ लाख ९ हजार ८८३ रुप्याके भन्सार छलिके सामान बरामद करले बा ।
कञ्चनपुर जिल्लाके टमान भीमदत्त.न.पा.४ बसपार्क, वेदकोट न.पा.७ सुडा ओ पुनर्वास न.पा.११ डोके बजारस्थित गुम्बा लग्गे सडक छेउसे अवैंध रुपमे भारतसे भन्सार छलि करके ल्यानल रु.२१ लाख ७१ हजार ५१३ बराबरके सामान नियन्त्रणमे लेहल हो ।
जिल्ला प्रहरी कार्यालय कञ्चनपुर तथा मातहत कार्यालयसे खटल प्रहरी गस्ती टोली मुकुट, प्लाष्टिकके फुलके माला, सुटपिस, धोती, गम्छा, चस्माके सिसा, रोलरके ट्रभेल मोटर, रोलरके हाइड्रोलिक मोटर, किराना लगायतके सामान नियन्त्रणमे लेहल हो ।
ओस्टेक करके कैलालीके भजनी न.पा.७ हिक्मतपुर घाटसे अवैध रुपमे भारतसे भन्सार छलि करके ल्यानल रु.३८ लाख ३७० बराबरके बिडी, सुर्ती लगायतके सामान इलाका प्रहरी कार्यालय पृथ्वीपुर, कैलालीसे खटल प्रहरी गस्ती नियन्त्रणमे लेहल हो ।
